Hinglishpedia

Adrak Wali chai (Ginger Tea)Adrak wali (ki) Chai (Chaaye, Chaay) (Ginger Tea) peene ke bahut hi fayde hote hain. Adrak ki chaay na sirf aapko pasand aayegi, balki yeh aapko thand ke dauran hone wali kai problems se bhi chhutkara dilayegi. Yani ki Adrak ki Chai ek medicine ka bhi kaam karti hain. 

Ek baar chaay bana lene ke baad Adrak ke swaad ko chhupane ke liye aap isme Peppermint, Shahad aur Nimbu mila sakte hain. Aaiye hum aapko batate hain ki kyon Adrak wali Chai ko peena chahiye.


Blood circulation ko sahi rakhe :- Adrak ki Chai mein paye jane wale Vitamins, Minerals aur Amino Acid blood circulation ko behtar banate hain. Jisse Cardiovascular mein problems hone ka khatra kam ho jata hain. Saath hi Adrak Arteries par Fat jama hone nahi deti hain. Isse heart attack aur stroke ka khatra kam ho jata hain. 

Tension ko door bhagaye :- Adrak ki chai mein mann ko shant karne ke gun paye jate hain, Jisse aapki tension door hogi. Aisa Adrak ke Strong Aroma aur Healing properties ki wajah se hota hain. 

Dard ko kam kare ;- Adrak mein dard ko kam karne ka gun paya jata hain. Jiski wajah se yeh Jodo aur muscles ke dard ki problem mein ek gharelu medicine ka kaam karti hain. Iske alawa Adrak wali Chai peene se Jodo ka dard kam hone mein madad milti hain. 

Immunity badhaye :- Adrak mein bahut hi acchi matra mein Anti-Oxidants paye jate hain. Jo aapki immunity ko strong karte hain. Isliye Adrak wali chai peeni chahiye, Kyonki isse aapki Immunity aur jyada majboot banegi. 

Matli se aaram dilaye :- Kanhi yatra karne se pahle ek cup Adrak wali chai peene se motion sickness ke karan hone wali ulti nahi hogi. Saath hi aap matli hone par bhi ek cup Adrak ki Chaay pee kar isse aaram pa sakte hain.

Saans ki samsya mein aaram :- Sardi ke time naak band hone ki samsya aam hoti hain, Jo Adrak wali chai peekar door ki ja sakti hain. Environment ki allergy se hone wali saans se related problems ko Adrak ki chai peene se aapko inse nijat mil jati hain.

Periods ki preshani mein aaram dilaye :- Jo mahilaye periods ke cramp se joojh rahi hain, Veh Adrak ki chai pee sakti hain. Ek Tauliye ko garam Adrak ki chai mein dubo kar lower abdomen par lagaye. Isse dard se nijat milega aur muscles relax karenge. Saath hi Shahad ke saath Adrak ki Chaay ka sewan kare.

Pachan mein sahayak ;- Adrak ki chai pachan ko behtar banati hain, aur bahut jyada kha lene ke baad bloating ki samsya se chhutkara dilati hain.

loading...


 
Top