Hinglishpedia

Aadhaar Cards ki photosSupreme court ne Aadhaar card par ek naya judgement diya hain. Ab Aadhaar card sirf 2 kaamo ke liye jaroori hoga. Iske alawa, Govt. ki kisi bhi scheme ke liye Aadhaar card sirf Viklap (Option) ke taur par diya ja sakega.

Kin 2 kaamo ke liye Aadhaar card hoga compulsory (Jaroori) ;- 

Supreme court ne Aadhaar card ko sirf Public Distribution System (PDS) aur LPG Subsidy haasil karne ke liye compulsory kiya hain. Aadhar card holders ki personal Jankari sarvajanik (Publically)  hone ke khatre ko dekhte huye court ne kaha ki koi bhi authority is baat ko sunschit kare ki jankariyo ka khulasa na ho sake. 

Aadhaar card ke bina nahi milegi Gas Subsidy :- 

Bharat Sarkar ne gharelu gas par aam janta ko subsidy di hui hain. Is subsidy ko bhi aadhar card se joda ja chuka hain. Yadi aapke paas Aadhaar card nahi hain to aap ko gharelu gas cylinder ke liye subsidy nahi milegi aur aapko unche daamo (High price) par LPG cylinder khareedna padega. 

  
Passport ke liye nahi hoga Jaroori 

Bharat sarkar ne kuch samay pahle hi Passport banane ke liye Aadhaar card ko compulsory karne ki baat kahi thi. Lekin Supreme court ke is order ke baad ab Passport ke liye koi bhi Identity di ja sakti hain. Passport banvane ke liye yeh jaroori nahi hain ki aapke paas Aadhaar card ho.

Pan Card ke liye bhi nahi hain Jaroori

Pan Card banvane ke liye bhi ab Aadhaar ki compulsory ko khatm kar diya gya hain. Pichle saal October mein Pan Card banvane ke liye Aadhaar card jaroori bataya gya tha. Ab supreme court ke order ke baad vyakti Pan card banvane ke liye koi bhi pahchan patra dikha sakta hain. Isme Voter Card, Ration Card, Passport, Driving License, Revolver License aur Public Sector ke Id card ya Govt. dwara jari kiya gya pahchaan patra shamil hain.

Bank Account khulwane ke liye bhi Aadhaar card nahi hain jaroori ;- 

Gas Subsidy ka labh uthane ke liye khole ja rahe bank account ke liye bhi aadhaar card jaroori kiya gya tha. Lekin ab iski jaroorat nahi hain. Halaki Subsidy haasil karne ke liye aadhaar card ko Bank account se link hona jaroori hain. 
loading...


 
Top