Hinglishpedia

Photo of Pear(Nashpati)Nashpati (Pear) khane ke bade hi fayde hain. Baarish ka mausam aate hain sharir ki rog prati-rodhak shamta kam hone lagti hain. Aise mein log sabse jyada bukhaar aur anya health problems ka shikar bante hain. Isliye is mausam mein sehat ka dhyaan dena sabse jaroori hota hain. Sehat ko banaye rakhne ke liye mausmi (Seasonally) phal kafi kargar sabit hote hain. Baarish ke mausam mein Nashpati se kai bimariyo ko maat di ja sakti hain. Nashpati  mein Seb ki tarah hi aushadhiya gun paye jate hain.

Vastav mein Nashpati Jise Angreji mein Pear kahte hain Jise Hindi mein नाशपाती likhte hain inhe khane ke bade hi swasth labh hote hain. Asal mein Nashpati Seb parivar (Apple Family) se juda hua hain. Nashpati ka Juice energy ka best source hain. Yeh body ke immune system ko majboot banata hain. Iske niyamit sewan se Sardi, Jukaam, Khansi jaisi bimariyo se koso door raha ja sakta hain. 


100 Gram Nashpati mein 9 mg Sodium, 14 mg Phosphorus, Iron 2.3 mg, Iodine 1 mg, Cobalt 10mg, Manganese 65 mg, Copper 120 mg, Molybdenum 5mg, Florine 10mg, Zinc 190 Gram, Vitamin A, Vitamin B1,B2 aur Potassium bhi paya jata hain. Saath hi bharpoor matra mein Calcium bhi paya jata hain. 

Nashpati khane ke labh (Benefits of Pear in Hindi) :- 

1. Aanto ke liye labhdayak :- Niyamit roop se nashpati ka Juice peene se aanto mein huyi gadbadi ko control kiya ja sakta hain. Nashpati zehareele padartho aur Chemical se Badi Aant ki raksha karta hain. Nashpati ka Juice din mein do baar peene se cough kam hota hain aur gale ki kharash door hoti hain. 

2. Thakaan door karne ke liye :- Nashpati khane se sharir ka glucose energy mein convert ho jata hain. Jab bhi aap thaka (tired) feel kare to Nashpati khaye turant aapko energy milegi. Nashpati ka Juice sharir ke tapman ko kam karke bukhaar mein rahat pahuchata hain. 


3. Sujan theek karta hain :- Nashpati ka Juice Arthritis ke rogiyo ke liye faydemand hota hain. Yeh Sujan ko theek karta hain. Arthritis se preshan mareezo ko nashpati ka sewan niyamit roop se karna chahiye. 


4. Haddiyo ke liye hain faydemand :- Nashpati mein adhik matra mein Boron hota hain. Boron haddiyo mein Calcium banaye rakhne mein madad karta hain. Isliye Nashpati ka sewan karne se Osteoporosis hone ka khatra kam ho jata hain. 


5. Garbhvati mahila (Pregnant woman) ke liye faydemand :- Nashpati garbhvati (pregnant) mahila aur uske bacche ke liye bhi faydemand hota hain. Nashpati mein mauzood Folic Acid (Folate) garbhvati mahilaon ke shishoon (Babies) mein Neural Tube Defect se bachata hain. 

6. Cholesterol mein hain Ramban :- Pectin ki adhik matra hone ke karan yeh Cholesterol level ko kam rakhta hain. 

7. Diabetes Control :- Nashpati Fiber yukt hone ke karan Diabetes ke mareezo ke liye aushadhi ki tarah kaam karta hain. Isse meetha khane ki talab nahi lagti hain. Yeh sharir se  Sugar ko dheere-dheere sokh leta hain, iske liye iske reshe yeh kaam karte hain. Der tak kaat kar rakhi huyi Nashpati ko nahi khana chahiye.

8. Cancer se bachaav :- Nashpati Pet ke cancer ko rokne mein madad karta hain. Iska reshe pet ke cancer ko badhne se rokte hain. Nashpati ke sewan se periods ke baad mahilaon mein hone wale cancer ka khatra kam ho jata hain. Nashpati mein Vitamin C aur Copper hote hain jo kai prakar ke cancer jaise Colon, Breast, Prostate aur Fefde ke cancer ke khatre ko kafi kafi kam kar dete hain.

9. Immune System ke majboot banata hain :- Nashpati mein mauzood Anti-oxidants aur Vitamin C Immune System ko majboot bana kar Jukam, Flu aur infection se ladne mein madad karte hain. 

10. Pachan tantra ke liye :- Nashpati mein Fiber bahut adhik matra mein paye jate hain, Jo pachan tantra ko majboot banata hain. Isme mauzood Pectin kabz, dast aur anya pachan se sambandhit samsyaon ko door karta hain. 


11. Dil ke liye healthy :- Nashpati mein mauzood Potassium Blood pressure ko kam karne ke saath Dil ka daura aur stroke ke khatre ko kam karne mein madad karta hain. 

12. Anemia se bachata hain :- Nashpati Iron ka ek accha source hain , Jo hemoglobin ke level ko badhata hain aur Anemia ke mareezo ko suraksha pradan karta hain. 

13. Garmiyo ke dauran Subah-shaam Nashpati ka Juice peene se sharir thanda rahta hain aur Gale ki samsyaon ko rokne mein madad karta hain. 


14. Bukhaar ke liye :- Nashpati ka Juice Peene se bukhaar jaldi utar jata hain. 

15. Skin ke liye faydemand :- Nashpati mein mauzood Vitamin A aur Anti-Oxidants tavcha par Free radicals ke asar ko kam karke Jhurriyo, Muhaso aur anya skin problems ko door karte hain. Yeh baalo ko jhadne, Dhabbedaar aur Motiyabind aadi se bachane ke liye bhi madadgar hote hain.
loading...


 
Top