Low blood pressure ko door karne ke gharelu nuskhe (Home Remedies of lower blood pressure)

Low Blood Pressue Checkup ki PhotoYadi aapko aksar kamjori aur thakaan mahsoos hoti hain to ho sakta hain, aap low blood pressure ka shikar ho. Bahut adhik kamjori ya poshak tatvo ki kami se yeh samsya paida ho jati hain. Chakkar, susti, kaam mein mann na lagna, saare sharir mein dard aadi Low blood pressure ke mukhya lakshan hote hain, Lekin kai baar aise log jab doctors ke paas checkup ke liye aate hain, to normal lagte hain. Kai baar yeh lakshan mansik tanaav ka karan ban jate hain. Yadi aap bhi low blood pressure ki samsya se preshan hain to aaj hum aapko batane ja rahe hain kuch aise gharelu nuskhe jo low blood pressure ko turant control karte hain (Tips for Low Blood pressure in Hindi) :-

1. 50 Gram Desi Chane aur 10 Gram Kishmish ko raat mein 100 gram Paani mein kisi bhi kaanch ke bartan mein rakh de. Subah Chano ko Kismish ke saath acchi tarah se chaba kar khaye aur Paani ko pee le. Yadi desi chane na mile to sirf Kismish hi le. 

2. Raat ko Badam ki 3-4 giri ko paani mein bhigo le. Subah unka Chhilka utaar kar 15 Gram Makkhan aur Mishri ke saath mila kar khane se blood pressure low nahi rahta hain. 

3. Chhachh mein Namak, Bhuna hua Jeera aur thodi si bhuni hui Hing mila kar rojana peene se blood pressure low nahi hota hain. 

4. Tamatar ke ras mein thodi si Kali Mirch aur Namak mila kar peene se turant labh hota hain. 

5. High Blood pressure mein jaha Namak ke sewan se rogi ko haani hoti hain , vahi Low blood pressure mein rogiyo ko Namak khane se fayda hota hain. 

6. Gajar ke 200 gram ras mein Palak ka 50 gram ras mila kar peena bhi low blood pressure ke rogiyo ke liye faydemand rahta hain. 

7. Amla ya Seb ke murabbe ka sewan Low blood pressure mein bahut upyogi hota hain. 

8. Amla ke 2 gram ras mein 10 gram Shahad mila kar kuch dino tak subah sewan karne se low blood pressure ko door karne mein madad milti hain.

9. Low Blood pressure ko normal banaye rakhne mein Chukandar ka ras kafi kargar hota hain. Rojana chukandar ka juice subah-shaam peena chahiye. Isse low blood pressure ki samsya khatm ho jati hain. 

10. Jatamansi, Kapoor aur Dalchini ko barabar matra mein lekar iska misharan banaye. 3 Gram matra mein subah-shaam gungune paani ke saath iska sewan kare. Kuch hi dino mein Low blood pressure ki samsya khatm ho jayegi. 

11. Low blood pressure ki shikayat ho aur chakkar aate ho to Amle ke ras mein Shahad mila kar lene se aaram milta hain. 

12. Raat ko sone se pahle Chhuhaare (Khajoor) ka doodh bana kar peene se low blood pressure ki problem se mukti mil jati hain. 

13. Adrak ke bareek kate huye tukdo par Nimbu ka ras aur Sendha Namak mila kar rakh de. Ise khana khane se pahle thodi matra mein baar-baar khate rahne se yeh rog door ho jata hain.

You May also like :-