Hinglishpedia

7
 Photo:- Anemia Home RemediesAksar thakaan, Kamjori rahna, skin ka rang peela pad jana, haath-pair mein sujan Anemia ke lakshan hain. Is samsya se purusho se jyada mahilaye preshan rahti hain. Jin logo ke khoon mein Hemoglobin ki matra bahut kam ho jati hain, Ve log Anemia ke shikaar ho jate hain.


Anemia ke rogi ko Iron, Vitamin B, Folic Acid ki kami hoti hain. Kabhi-kabhi anuvanshik (Jeans) karano se bhi yeh rog ho sakta hain. Yadi aapke sharir mein khoon ki kami hain to aap apni diet par dhyaan de. Chaliye jante hain kin cheezo ko khane se khoon badh jata hain aur Anemia door ho jata hain. 

Aaiye jante hain Khoon badhane ke tips, Anemia se bachne ke gharelu nuskhe aur tips, blood increasing tips in Hindi. Hemoglobin badhane ke tips aur tarike, Anemia ka ghrelu Ilaj, herbal treatment for anemia, Khoon ki kami ko door karne ke tips, Khoon badhane ke upay.

1. Ek Glass Seb (Apple) ka Juice le. Usme 1 glass Chukandar (Beet) ka juice aur Shahad apne swaad ke anusaar milaye. Ise rojana piye. Is Juice mein Iron adhik matra mein hota hain. Isse Anemia Jaldi theek ho jata hain aur aapka khoon badh jata hain. 


2.  2 Chammach Til 2 ghanto ke liye paani mein bhigo de. Paani chhankar Til ko pees kar Paste bana le. Isme 1 chammach Shahad milaye aur din mein 2 baar ise khaye. 


3. Pakke huye Aam ke gude ko agar meethe doodh ke saath liya jaye to aapka khoon badh jata hain. 


4. Din mein 2 baar thande paani se nahaye. Subah ke samay suraj ki roshini mein baithe. 

5. Chaaye (Tea) aur coffee ko peena thoda kam kar de, kyonki yeh sharir ko  Iron  sokhne se rokta hain. 

6. Khoon badhane wale aahaar Genhu, Chana, Moth, Moong ko ankurit kar Nimboo mila kar subah nashte mein khaye. 

7. Sitopaladi churn 50 gram, Amal ki Rasayana 50 gram, Ashwagandha satva 50 Gram, shatavari churn 10 gram, Siddha Makardhwaj 5 Gram, Lauh Bhasma 100 putti 10 gram, Ashtvarga Churn 25 gram, Shahad 300 gram. In sabhi ko aapas mein mila le. Is mishran ko rojana Subah-shaam 5-10 gram matra le kar chaate aur phir meetha doodh piye. Iske sewan se khoon badhta hain. 

8. Namak aur Lahsun ka niyamit sewan khane ke samay chutney ke roop mein kare. Hemoglobin ki kami door ho jati hain. 

9. Anantmool, Dalchini aur Saunf ki barabar matra lekar Chaaye (tea) bana kar piye. Din mein ise aap 1 baar hi le. Khoon ki kami door ho jayegi. 

10. Bhutte (Makai, Makki, Chhalli, Sweet Corn) Anemia ke rogiyo ke liye paushtik hote hain. Inhe aag par saink kar khane se iske daane bade hi tasty lagte hain. Makke ke daane ubaal kar khane se khoon badhta hain. 

11. Moongphali ke daane Gud ke saath chaba-chaba kar khaye.

12.  Sharpunkha ki pattiyo aur phalliyo ke lagbhag 20ml ras mein 2 chammach Shahad mila le. Is mishran ko subah-shaam le. Isse khoon saaf hota hain aur badhta hain. 


13. Falsa khane se khoon badhta hain. Falsay ke phal aur sharbat ko subah-shaam lene se bahut jaldi aaram milta hain. 


14. Hanspadi ke paudhe ka churan bana kar Shahad ke saath upyog karne se khoon saaf hota hain aur sharir mein khoon sahi tarike se flow karne lag padta hain. Is churan ko Shahad ke saath Chaatne ya paani ke saath lene se khoon mein badhotari hoti hain aur Anemia ki shikayat bhi door ho jati hain. 

15. Palak, Sarso, Bathuaa, Matar, Methi, Hara Dhaniya, Pudina aur Tamatar ko apni diet mein jaroor shamil kare. 


16. Jamun aur Amla ka juice barabar matra mein mila kar peene se sharir mein Hemoglobin ka level badhta hain. Khoon ki kami nahi hoti. 

17. Rojana ek glass Tamatar ka Juice peene se bhi khoon ki kami nahi hoti hain. Tamatar ka soup bhi bana kar piya ja sakta hain. 


18. Singhada sharir ko shakti pradan karta hain aur Khoon badhata hain. Isme kai mahtavpuran poshak tatv paye jate hain. Kachche Singhaare (Shinghade) ka sewan karne se body mein Hemoglobin ki matra tezi ke saath badhti hain. 

19. Papita, Angoor, Amrood, Kela, Seb, Chikoo, Anar aur Nimboo ka sewan kare. 


20. Anaaz, Daale, Munakka, Kishmish aur Gajar ka sewan kare. Saath hi raat ko sone se pahle Khajoor ko doodh ke saath le.  


Post a Comment

  1. Sir kya main chukandar ko aise hi chaba kar kha sakta hu

    ReplyDelete
  2. Sir kya main chukandar ko aise hi chaba kar kha sakta hu

    ReplyDelete
    Replies
    1. jee bilkul aap chukander ko aise bhi kha sakte hain. Upar bataye gye tips se Anemia aur bhi jaldi theek ho jata hain aur jaldi khoon banta hain. Lekin agar aap kewal kaccha Chukander khana chahte hain toh yeh bhi faydemand rahta hain, Kyonki isme iron achhi matra mein paya jata hain, Jo khoon banane ke liye jimmevar hota hain.

      Delete
  3. Thanks for sharing about Dadi Maa ke nuskhe in hindi.............................

    Desiilaaz - dadi maa ke nuskhe in Hindi

    ReplyDelete
  4. Mera iron kam hai main dawai b le rhi hoo but constipation ho jata hai sans lene m dikkat hoti hai. Samjh ni ara kya karoo. Beetroot bhi khaya tha asa to koi fark nhi laga.

    ReplyDelete
  5. Mera iron kam hai main dawai b le rhi hoo but constipation ho jata hai sans lene m dikkat hoti hai. Samjh ni ara kya karoo. Beetroot bhi khaya tha asa to koi fark nhi laga.

    ReplyDelete
  6. hellow there is very usefull stuff on your blog thanks and keep it up
    https://www.youtube.com/watch?v=U9wCThg3Gl8

    ReplyDelete

 
Top