Hinglishpedia

0
Strawberry FruitsSeb, Kela, Aam aur Santra, yeh chaar aise phal hain, Jinme sharir ke liye jaroori sabhi tatvo ki bharpoor matra payi jati hain. Yeh health ke saath hi skin ke liye bhi bahut hi faydemand hote hain, Lekin inke alawa phalo ki rani ke naam se mashoor ekmatr phal Strawberry bhi aisi hi phalo ki category mein shamil hain. Heart ke aakaar wale is phal ka swaad khatta-meetha hota hain. Asia ke jyadatar desho mein ise Super-food ke taur par istemal kiya jata hain. 


Strawberry mein shamil tatvo ki matra 

1 Cup Strawberry mein Calorie 46, Manganese 28%, Fiber 12%, Iodine 9%, Folate 9%, Copper 8%, Potassium 6%, Magnesium 5%, Phosphorus 5%, Omega 3 Fat 4%, Vitamin B6 4% paya jata hain. 


1. Folate se bharpoor 

Strawberry mein Folate ki bharpoor matra asamay aane wale budhape, Vascular aur Atherosclerosis sambandhi samsyaon ko door rakhta hain. Kai tarah ke rogo jaise gathiya aur jodo ke dard ke ilaj mein strawberry bahut hi faydemand hain. Darasal in tamam tarah ke rogo ka karan sharir mein Folate ki kami hoti hain, Jise kafi hud tak is phal ko kha kar door kiya ja sakta hain.


2. Cardiovascular bimari rakhe door 

Strawberry mein Flavonoids ki  mauzoodagi sharir mein hone wali kisi bhi prakar ki sujan ke samsya se rahat dilati hain. Saath hi LDL Cholesterol ki kami ke karan hone wale hypertension ki sambhavna ko strawberry kha kar kafi hud tak kam kiya ja sakta hain. Ek research se is baat ka pata chala hain ki hafte mein 2 se 3 baar ise khane wale logo mein ise na khane wale logo ki apeksha heart attack ki sambhavna 32% tak kam hoti hain.


3. Majboot haddiyo ke liye 


Strawberry potassium, Vitamin K aur Magnesium ka khazana hain. Yeh haddiyo ki majbooti ke liye bahut hi jaroori hain. Umar badhne ke saath haddiyo se sambandhit kai tarah ki bimariya sharir mein ghar karne lagti hain. Mahilaon mein delivery ke baad se lekar, Menopause ke dauran zara si laparvaahi aur Vitamin D ki kami is tarah ki samsyaon ko janm deti hain. Isse bachne ke liye in tatvo ki acchi-khasi matra bhojan mein hona jaroori hain. Isse haddiyo ki toot-foot rukti hain.


4. Vitamin C ka khazana 

Rojana Strawberry kha kar sharir ke liye jaroori Vitamin C ki kami ko asaani se pura kiya ja sakta hain. Vitamin C ki matra na sirf tavcha ki chamak banaye rakhne ke liye jaroori hoti hain, Balki Sirdard aur tanaav jaisi samsyaon se niptane mein bhi kargar hoti hain. High ya low kisi bhi prakar ke blood pressure ko control karne ka gun strawberry phal mein hota hain. Strawberry ka upyog karne se Skin glow karne lagti hain aur pimples ki samsya nahi hoti hain.


5. Anti-Oxidants ka accha source

Strawberry mein  Anthocyanins paya jata hain. Yeh Anti-Oxidant ka bahut accha source hain. Iska kaam Dhoop, Dhool, pollution se hone wali samsyaon se ladkar unhe khatm karna hain. Saath hi , yeh free radicals damaging ko bhi rokta hain. Biotin ki prayapt matra baalo ke saath hi naakhoono ki majbooti ke liye madadgar hoti hain. Saath hi , Isse skin par padne wali jhurriyo ki samsya ko bhi door rakha ja sakta hain. 


6. Aankhon ke liye labhkari 

Vitamin C ki sahi matra na sirf skin, Balki aankhon ki sehat ke liye bhi bahut hi jaroori hain. Iske rojana sewan se aankhon mein sukhepan, Motiyabind, aankhon se paani aana, aankhon ka lal hona aur sujan jaisi kai prakar ki samsyaon mein rahat milti hain. Isse aankhon ki roshini bhi badhti hain. 




7. Pachan mein jaroori 

Fiber ki uchit matra pachan ke liye bahut hi jaroori hain. Yeh apach, Kabz jaisi samsyaon ko door karne ke saath hi pet ke cancer ko bhi door rakhta hain. Strawberry mein ghulanshil fiber paya jata hain, Jo ki badi asaani ke saath bhojan ko pacha deta hain. Isse bhookh na lagne ki shikayat bhi door hoti hain. 




8. Motapa kam kare 

Nitrate body mein blood ke saath hi oxygen ke circulation ko control karta hain. Jo motapa door karne mein labhkari hota hain. Vaisi to lagbhag saare phalo mein motape ko door karne ka gun hota hain, Lekin Strawberry sabse jyada gunkari hain. 



9. Memory power badhaye 

Kai saare researches se yeh baat samne aayi hain ki kamjor yaddasht ki samsya ko bhi Strawberry se door kiya ja sakta hain. Isme mauzood Anthocyanins nervous system ko strong banata hain. Isse dimaag shant hone ke saath hi uski activity badh jati hain. 



10. Sujan se rahat 

Strawberry sharir mein kisi bhi tarah ki sujan ke liye jimmedar C reactive Protein ki roktham ko rokta hain. Research se is baat ka khoolasa hua hain ki jin logo ne sirf ek hafte lagatar Strawberry ka sewan kiya , Unme is phal na khane walo ki apeksha lagbhag 14% sujan ki samsya kam thi. 


Post a Comment

 
Top