Hinglishpedia

1
White Teeth smilingChehre aur sharir ki fitness par khas dhyaan dene ke chakkar mein ham kai baar daanto ki khoobsurati ko nazarandaz kar dete hain, Jo ki sharir ka ek aham hissa hota hain. Sunder daant na sirf smile par char chand lagate hain, Balki self-confidence ko bhi badhate hain. Dusro ke saamne khul kar hasne mein hich-kichahat nahi hoti. In dino market mein bahut saare teeth whitening toothpaste aur products available hain. Jinka upyog karke kam samay mein khoobsurat aur damakti smile payi ja sakti hain. Lekin kitchen mein hi kai aisi cheeze mauzood hain jinke istemal se in bahri products ko khareedne se bacha ja sakta hain. 



Daanto ko White, Strong karne ke gharelu Nuskhe


1. Baking Soda :- Ek Chammach Baking soda (Meetha Soda) mein thoda sa paani aur ek chutki namak milaye. Ab is paste se daanto ko 1-2 minutes tak saaf kare. Hafte mein 2 ya 3 baar aisa karne se daant safed ho jayenge.

2. Strawberry :- Yeh tasty fruit daanto ko chamakane ke liye bhi kargar hain. Kuch strawberry lekar uska paste bana le. Isse daanto ko saaf kare, kuch hi dino mein iska asar dikhne lagega. 


3. Nariyal ka Tel :- Ek chammach mein Nariyal Tel (Coconut Oil) lekar ise daanto par lagaye. 20 Minutes tak ise laga rahne de. Iski Anti-Microbial Properties gum ko surkasha degi. Toothbrush mein kuch boond Nariyal ka tel laga kar brush kare. 


4. Hari Sabziya, Phal :- Hari sabziya, phal jaise Gajar, Seb, Celery, aadi khane se daant chamakte hain. Inka Crunchy Texture daanto se daag-dhabbe aur bacteria ko door karta hain. Natural acid unhe saaf banata hain. 


5. Apple Cider Vinegar :- Coffee aur smoking ke karan daanto mein padne wale dhabbo ko Apple Cider Vinegar door karta hain. Ek mahine tak lagatar isse garare karne ke baad natize samne aayenge.

6. Koyale ka powder :- Thoda sa Koyala powder lekar daanto ko saaf kare. Ise karte waqt bhale aapke daant gande dikhenge, Lekin paani se mooh saaf karne ke baad daanto ki chamak aapko khush kar degi. 


7. Baking Soda saanso ki freshness ke liye :- Aksar ham saanso ki durgandh se preshan ho jate hain. Kabhi-Kabhi itni gandi smell aati hain ki baat karna bhi gunaah ho jata hain. Iske liye aap ek chammach Baking Soda ek glass paani mein mix kare aur oos paani se mooh ko saaf kare. Gale ki safaai ke liye Garare ya kulla kare, taki ander tak safai ho jaye. Khane khane ke baad raat ko brush na karne se daanto mein cavity ho jati hain. Baking soda se isme fayda hota hain.


8. Jyada Coffee aur Soft Drinks ka sewan karne se aapke daanto mein daag-dhabbe pad jate hain. Iski wajah se kai baar aapko kai jagaho par sharminda hona padta hain. Isliye Coffee ya Soft drink ke sewan ke baad thodi der baad hamesha paani se kulla jaroor kare.

9. High Alcohol content wale mouthwash ki wajah se bhi saanso mein badboo aati hain. Mouthwash ke bajaye aap peppermint oil  ko paani mein mix karke kulla kar sakte hain aur mooh ko acche se saaf kar sakte hain. Bubble-gum aur Sugarless candy chabane se lar banti hain, Jisse bacteria bahar nikal jate hain.


10.  Healthy food na sirf aapke wajan ko control mein rakhta hain , balki aapke mooh ki safaai ko bhi maintain rakhta hain. Ajwain, Gajar aur Seb khane se aapke daanto se chipchipa khadya padarth door hote hain. Pudine ki pattiya aur Ajwain chabane se mooh ki durgandh door hoti hain, Kyonki yeh gandhnashak ke roop mein kaam karta hain.


11. Subah uthkar sabse pahle Sisem ke tel se kulla karne ya phir kele khane se daant safed hote hain, Jisse aapki muskan khili-khili nazar aati hain. Iske alawa Tulsi ki pattiya chabana bhi ek healthy muskan ke liye faydemand hota hain.

12. Agar aap apni muskaan se khush nahi hain, to aap ise theek kar sakte hain. Aajkal kai dental treatment available hain, Jinki madad se manchahi muskan hasil kar sakte hain. Cleaning aur Polishing technique se teeth jyada beautiful lagte hain. Teeth Whitening ek alag tarah ki taknik hain jisse daanto ke daag-dhabbe door kiye jate hain aur daant safed dikhai dene lagte hain. Agar aapke daant bahar hain aur tedhe-medhe hain to braces ke jariye inki position ko sahi kar sakte hain aur ek beautiful smile paa sakte hain.

13. Daanto ke daag-dhabbe kam karne ke liye Alcohol mili huyi drink ka sewan na kare. Agar karte bhi hain to turant paani piye. Isse daanto mein phasa khana nikal jayega.

14. Smoking aur Tobacco khane se health problems ke saath-saath Saanso mein badboo, Daag-dhabbe aur masoodhe rog bhi ho jate hain. Smoking karne wale logo ke masoodhe daanto se alag dikhai dete hain aur dono ke beech ki haddi bhi dikhti hain, Jisse aapki smile kharab ho sakti hain.

15. Purane jamane mein log Jim nahi jate thay, Lekin phir bhi swasth aur healthy rahte thay. Aajkal busy schedule hone ki wajah se logo ke paas apni health ka khyaal rakhne ka bhi samay nahi hain. Aapki oral health bhi nazar andaz ho jati hain. Isliye iske liye bhi kuch waqt nikale aur kuch bhi khane ke baad paani se kulla jaroor kare.   



Post a Comment

 
Top