Hinglishpedia

Drinking WaterPaani ke baare mein vaise to jyada kahne ki jaroorat nahi hain kyonki paani jeevan ka sabse bada aadhaar hain. Ek vaysak vyakti ke sharir mein austan 35 se 40 Litter paani hamesha bana rahta hain. Jis prakar nahane se sharir ke bahar ki safaai hoti hain, Theek usi tarah se paani peene se sharir ke ander ki safaai hoti hain. Ek vaysak purush ke sharir mein paani uske kul bhar ka lagbhag 65% aur Ek vaysak Stri ke sharir mein uske sharir ke kul bhar ka 52% tak hota hain.



Paani jyada peene se koi hani nahi hoti hain, Magar kam paani peene se sharir ko nuksaan jaroor pahuchta hain. Theek matra mein paani peene se kabhi pathari nahi hoti hain. In dino bahut adhik garmi pad rahi hain to aise mein sharir ka sara paani kisi na kisi raste bahar nikal jata hain. Agar hum paani nahi piyenge to sharir mein paani ki kami ho jayegi Jisse chakkar aane lagega aur blood pressure low ho jayega. Aaiye jante hain hame paani peena kyon jarooi hain. 

Paani peene ke fayde :- 


Energy de :- Paani mein nutrients hote hain jo sharir ki gandagi ko saaf karte hain. Isliye khud ko hydrate rakhne ke liye khoob paani piye. 


Gandagi ko bahar nikale :- Har din ham na jane kitni gandagi se ru-bru hote hain. Kabhi pollution to kabhi unhealthy khana aadi. Paani in sabhi gandagiyo ko sharir se bahar  nikalta hain. 


Sharir ka tapman banaye rakhe :- Paani hame garmi se bachata hain. Agar aap jaroorat ke hisab se paani nahi piyenge to aapke sharir ka tapman janlewa tarike se badh jayega. 


Sharir mein Metabolism badhaye :- Sahi tarah se paani na peene se sharir ke kaam karne ki speed kam ho jati hain, Vah thak jata hain aur uska Metabolism bhi dheema padne lagta hain. 


Maanspeshiyo ki aithan roke :- Hamare maanspeshiyo ka 80% bhaag paani se bana hua hain. To agar aap jaroorat ke hisab se paani nahi piyenge to aapko maanspeshiyo mein aithan shuru ho jayegi. 


Niyamit pet saaf kare :- Agar aapke sharir mein paani nahi hain to aapko kabz hone ki samsya paida ho sakti hain. 


Skin Glow kare :- Paani Skin se pimples, Daag aur Acne  ko hatata hain, Jisse tavcha ekdum saaf aur chamakdar ban jati hain. 

Acidity hataye :- Bhojan ko pachane ke liye hamara pet Enzyme ko produce karta hain, Jo ki acidic hote hain. Isliye jab tak aap theek prakar se paani nahi piyenge tab tak aapka pet theek nahi rahega aur pet mein acid banta rahega. 


Dimag ko chalaye rakhta hain :- Hamara dimaag 90% paani se bana hain, Agar aap theek tarah se paani nahi piyenge to aankhon ke neeche andhera chha jayega aur Sirdard hoga. 


Jodo ke liye :- Agar aapke jod bahut hi nazuk hain jaise ki kisi machine ke joint hote hain. To aapko lubricate ki jaroorat padegi jisse kabhi aapko moch na aaye ya phir jod dard na ho. Paani jodo ko chikna banata hain jo kaam karne mein sahayta deta hain. 


Motapa ghataye :- Paani pet bhar deta hain aur Metabolic rate ko badhata hain. Isliye subah uth kar khoob saara paani pet bhar ke pee lena chahiye.


loading...
 
Top