Hinglishpedia

0
Intex aqua Q4Duniya ki mashoor chip maker company Intex ne smartphone market mein makool jagah banane ke baad ek aisa phone launch kiya hain, jo kifayati hain aur features ke mamle mein bhi is range ke kai phones se behtar hain. 


Intex ne Monday ko Aqua series Q4 naam ka apna naya smartphone launch kar diya hain, Jiski keemat mahaz 5290 Rupaye rakhi gyi hain. Halaki ki company ne apni site par phone ke saath is baat ka zikr nahi diya hain ki yeh phone kaha se khareeda ja sakega. Mana ja raha hain ki company is phone ko offline aur online dono tariko se Bhartiya bazaar mein uplabadh karvayegi. 

Features ki baat kare to yeh phone GSM dual Sim ko support karta hain aur Android 4.4.2 Kitkat Operating system par kaam karta hain. Iske alawa Phone ki screen bhi 4.5 inch ki hain, jise chhota nahi kaha sakta hain. Ummeed ke mutabik, Phone ko 1.2 GHz ka Quad-Core Quallcom Snapdragon processor se less kiya gya hain. 


Itna hi nahi phone mein 4 GB ki internal Storage hain jise Micro Sd card ki madad se 32 GB tak badhaya ja sakta hain. Phone mein 5 Megapixel ka primary camera hain, Jise LED flash support aur bhi accha banata hain aur 2 Megapixel ka front camera aapko Video Chat karne ki puri azadi deta hain. 


Acchi baat yeh hain ki phone 3G support karta hain aur iski battery 1800 mAh ki hain, Jiski madad se phone kareeb 5 hours ka talk time deta hain.


Post a Comment

 
Top