Hinglishpedia

Carrot JuiceGajar ka juice kam Calorie wala juice hota hain jo ki vitamins aur minerals tatvo se bharpoor hota hain. Yeh Orange color ka juice peene mein bada hi tasty lagta hain aur asaani se ban bhi jata hain. Gajar ka juice rojana peene se aapko kai tarah ke swasth labh mil sakta hain. Kewal Seb hi nahi balki Gajar bhi doctor se door rakhta hain. 



Iske alawa agar aap chahte hain ki aapki skin chamakdar rahe, Baal hamesha shine kare aur aapka blood sugar hamesha balance rahe to Gajar ko andekha na kare. Aaiye jante hain Gajar ke Juice ko peene ke labh ke baare mein. 


Gajar ka juice peene ke fayde :- 

1. Aankhon ki roshini badhaye :- Isme Beta-Carotene aur Lutein paya jata hain jo ki ek khas tatv hota hain , jo ki aankhon ki retina par asar dalta hain. Yeh aankhon ko motiyabind aur ratondhi se bachata hain. 

2. Rog Pratirodhak shamta ko badhaye :- Gajar ke ras mein bahut saara Anti-Oxidants aur Poshan paye jate hain, saath hi Vitamin C bhi hota hain. Yeh hamare immune system ko majbooti pradan karte hain aur sharir ko rogo se door rakhte hain. 


3. Blood Sugar ko control kare :- Gajar ke ras mein bhari matra mein Carotenoids paya jata hain, Jise sidha sharir ke blood sugar level ko balance karne mein madadgar bataya gya hain. Is tarah se yeh madhumeh se hame door rakhta hain. 


4. Tavcha Chamakdar ho jati hain :- Isme paya jane wala Antioxidant, Vitamin A aur C jaise tatv, tavcha ko suraj ki kirano se hone wale damage se bachata hain. Agar sharir mein Vitamin A ki kami hoti hain to usse Skin, Baal aur Nakhoon teeno hi dry ho jate hain. 

5. Pachan Tantra theek rakhe :- Khana khane ke 20 minutes pahle Gajar ka Juice peena chahiye. Yeh bahut hi accha appetizer hota hain aur Pachan tantra ko durust rakhta hain.  
loading...


 
Top