Hinglishpedia

0
gudChocolate, Ice-Cream, toffy, Sweets jyadatar logo ko pasand hote hain. Yaha tak ki kai logo ka khana hi inke bina pura nahi hota hain. Instant energy ke chakkar mein thoda sa meetha khana nuksaandayak ho sakta hain. Gajar ka halwa, Gulab Jamun aur Cake Sugar ke bina kaun khana pasand karega. Diabetes ke mareejo ke liye sugar to zehar ke saman hoti hain. Iske chalte khane mein savdhani baratni padti hain. Lekin aajkal market mein bahut saare aise artificial sweeteners maujood hain, Jinhe log khane ka swaad lene ke liye istemal karne lage hain, Par kyonki Artificial Sweeteners Refined sugar ke mukable hanikarak hoti hai, isse sehat ko kai saare nuksan pahuch sakte hain. Isliye log aaj kal sugar ke healthy aur natural options ko dhoondh rahe hain. 



1. Gud :- Gud mein acchi matra mein minerals hote hain jo Kabz aur badhajmi ko door karne mein sahayak hote hain. Daily Diet mein bina kisi dar ke sugar khana chahte hain to  Gud ka istemal bhojan mein kare. 


2. Ganne ka juice :- Ham jo ghar mein chini use karte hain, vah kai saari refining process se hokar gujarti hain, Jisse uske Nutrients, Vitamin B, Vitamin C, Calcium, Iron aur Meganize khatm ho jate hain. Lekin agar aap yeh sugar minerals ke saath khana chahte hain to aap Ganne ka ras piye. 


3. Khajoor :- Khajoor mein natural sugar hoti hain aur ise khane ke baad meethe ki tarah khaya ja sakta hain. Isme potassium, calcium aur Vitamin B6 hota hain. Iska flavor bhi accha hota hain aur yeh brown sugar ka accha substitute mana jata hain. Khajoor cake aur pudding mein bhi mix kar sakte hain. 


4. Stevia :- Yeh bhi artificial sugar ke liye best substitute hain. Is paudhe ki pattiyo mein chini se 300 guna jyada meethas hain. Yeh natural sugar hain aur ismein calorie aur carbs bhi kam hain. Jo log wajan kam kar rahe hain ya jinhe diabetes hain , Yeh paudha unke jeevan mein bina kisi side-effect ke meethas gholta hain. 

5. Coconut Sugar :- Coconut ko ubalne aur phir sukhane ke baad coconut sugar mitli hain. Ismein kai nutrients hote hain. Sirf yahi nahi, Isme calcium, Zinc, Iron aur potassium bhi hota hain. Yeh chakne par meetha hain. Jinka sugar level high rahta hain, yeh unke liye bahut hi accha hain. Artificial sweetener ka yeh accha substitute hain 


Artificial Sweetener kya hain. 

Artificial Sweetener ya Sugar substitute ek tarah ka chemical hain. Kai sugar ya diabetes ke mareez chini ki jagah Artificial sugar istemal karte hain, taki vo bhi meetha kha sake. Darasal , Artificial Sweetener ka swaad chini ki tarah hi hota hain, Lekin isme koi do raay nahi hain ki yeh  kisi meethe zehar se kam nahi hain. 


Artificial Meetha matlab meetha Zehar 


Market mein aap jo sweetener dekhte hain, darasal vo asliyat nahi hain. Sach yeh hain ki artificial sweetener na to aapka motapa kam karta hain aur na hi aapko slim-trim rakhta hain. North-Eastern Oheo University college of medicine ke professor aur chairman doctor Rolf Watson ke research se yeh baat samne aayi ki Artificial sweetener se Sar dard, Yaddasht ki kami, Achanak Chakkar aakar gir padna, Coma mein jana aur Cancer jaise bimariyo ka shikar ho sakte hain. Iske alawa yeh sharirik aur mansik rogo ka karan ban sakta hain, Jisme Alzheimer, Chronic thakaan, Depression aadi pramukhya hain. 


Kuch mamlo mein iske lagatar sewan se addiction ki samsya se bhi 2-4 hona padta hain. Artificial sweetener wale drinks aur doosri cheeze khane se taste buds mein change aata hain. Isse aapko phir se khane ki ichchha hoti hain aur na milne par bechaini mahsoos hone lagti hain. Ise khane ke baad accha mahsoos hota hain, Kyonki yeh dimaag ke oon centers ko activate kar dete hain , jo khushi ka ahsaas dete hain.

Artificial sweetener ki badhti demand

Dietitian Aparna Singh kahti hain - " Iski badhti huyi maang ki sabse badi wajah logo mein ab apni fitness ko lekar aayi jagrookta hain aur zero figure ki chaah hain"   Psychologists ke anusaar, figure maintain ki chahat rakhne wale apni pasandida cheezo ko khane ka moh chhod nahi pate hain, Lekin saath hi mann mein ek uljhan si rahti hain ki khaye ki nahi. Khane ki itni tension ho jati hain ki vo theek se so nahi pate hain. Yeh preshani kai diabetes logo ko bhi hoti hain, Isliye log Artificial Sweetener lene lagte hain.


Meetha kam khane ke liye kya kare 

Hamne aapke meetha khane ki chah ko kam karne aur artificial cheeze na khane ke liye doctor se salah li. Doctor ke anusaar , Sabse behtar hain ki aap khud par control rakhe aur utna hi meetha khaye jo nuksaan na kare. Saath hi, Jamkar exercise kare aur fruits khaya kare. Exercise karne par mareez ko rahat milti hain aur wajan control mein rahta hain. 

Skin ke liye hain khatrnaak 

Aap sunder dikhne ki chah mein artificial Sweetener khan shuru kar dete hain. Sunder dikhne ka matlab Slim, Khoobsurat, Chamakdaar aur bedaag skin ka hona bhi hain. Khoobsurat dikhne ki chah mein Artificial sweetener khane se problem hone lagti hain. Sabse badi samsya allergy ki hoti hain. Iska alawa pigmentation, rashes jaisi dikkate bhi hone lagti hain. Isse umar jyada dikhne lagti hain. Skin kurduri ho jati hain aur chamak gayab ho jati hain.


Jyada Artificial sweetener khane se haddiya kamjor ho jati hain. 

Haddiyo ke liye fructose jaroori hain jo chini se milta hain, Lekin Artificial Sweetener mein yeh nahi hota hain. Artificial sweetener khane se haddiya kamjor hone lagti hain aur arthritis aur osteoporosis jaisi problems shuru hone lag padti hain. Jyada artificial sweetener khane se jodo ki sinning layer khatm ho jati hain, jisse joint mein roughness aane lagti hain. Haddiyo mein sujan, khurdrapan, water collection aadi bimariya ho sakti hain. Haddi aur khoon ki banavat mein badlav aa sakta hain, Jisse khoon ya haddiyo ka laslasapan ka ya jyada ho sakta hain.   


Post a Comment

 
Top