Hinglishpedia

ButtermilkChhachh jise Mattha, Chaas, Chach ya Lassi bhi kaha jata hain, Jo ki Dahi se banta hain, Bharat ka ek mukhya drink hain. Yeh bahut hi swasth aur paushtik pay ke roop mein liya jata hain. Chhachh , Dahi ko math kar aur kuch masalo ko mila kar banaya jata hain. Garmiyo ke liye to Chhachh amrit ke saman hain. Ayurveda mein bhojan ke baad Mattha peena swasth ke liye theek mana jata hain. Aaiye jante hain Chhachh (Chach, Chaas, Mattha, Lassi, Buttermilk) peene ke fayde ke baare mein :- 



Chhaachh ke swasth labh :- 

1. Calcium :- Jaise ki Mattha ek Dairy product hain Isliye isme Calcium khoob bhari matra mein paya jata hain. Haddi ki majbooti ke liye aur sharir ki badhat ke liye chhachh jaroor piye.


2. Acidity mitaye :- Yadi aapko Acidity, Seene ke jalan ya pet se judi koi samsya ho to Matthi pijiye, kyonki yeh asaani se hajam ho jata hain.


3. Pachan mein madad :- Khane ke saath ise lene se pachan accha bana rahta hain. Saath hi yeh asaani se pach bhi jati hain. Isme yadi kali Mirch ya sendha namak mila diya jaye to bahut accha hain.


4. De-hydration ka ilaj :- Bhari garmi ki wajah se sharir mein paani ki kami ho jati hain, Isliye aapko chhachh ka sewan karna chahiye. Isse kabz ki samsya bhi door hoti hain.

5. Rog Prtirodhak shamta ko badhaye :- Isme healthy bacteria aur carbohydrates hote hain, Saath hi Lactose sharir mein aapki rog pratirodhak shamta (Immunity Power) ko badhata hain, Jisse aap turant energetic ho jate hain.

6. Vitamins :- Buttermilk mein Vitamin C, A, E, K aur B paye jate hain, Jo sharir ke poshan ki jaroorat ko pura karte hain.

7. Minerals :- Yeh swasth poshak tatvo jaise Iron, Phosphorus, Zinc aur potassium se bhara hota hain, Jo ki sharir ke liye bahut hi jaroori minerals mane jate hain.

8. Low Calorie :- Yadi aap Diet par hain to roj ek glass Mattha jaroor piye. Yeh Low Calorie aur Fat mein kam hota hain. 
loading...


 
Top