Aaloo ke upyog (Uses of Potatoes)

Aaloo ko jyadatar log avoid karte hain. Iski wajah hain ki log sochte hain ki kanhi charbi na badh jaye aur ve mote na ho jaye. Lekin Aaloo ke kuch aise upyogi gun bhi hain, Jinhe aap janenge to jaroor ise khana 

Aaloo
chahenge. Vaise bhi Aaloo Bhartiya rasoi mein sabse jyada istemal ki jane wali sabzi hain. Bharat hi nahi balki videsho mein bhi ise kai roopo mein khaya jata hain. Sabzi ke alawa Chips mein iska sabse jyada istemal kiya jata hain. Aaloo mein Vitamin C, Vitamin B complex, Iron, Calcium, Meganize, Phosphorus kafi matra mein paya jata hain. Aaj hum Aaloo ke kai tarah ke upyog ke baare mein bata rahe hain. 



1- Skin Color ke liye 

Chehre ki raunak ko banaye rakhne ke liye Aaloo ko kaddukas karke chehre par lagaye aur 30 minutes tak laga rahne de. Aaloo ko roj  chehre par lagane se chehre ka rang saaf hone lagta hain aur kisi bhi prakar ki sujan ho to vah kam hone lagti hain. Aap Aaloo ke mixture mein Nimbu bhi mila sakte hain. Nimbu mein Vitamin C hota hain, Jo skin ke colour ko saaf karta hain.


2-  Wrinkle hone par 

Chehre ki sikudan aur lines hone par Aaloo ka ras laga sakte hain. Aaloo mein Anti-Aging aur chehre par padne wali sikudan yani ki jhurriyo ko khatm karne ka gun hota hain. Aaloo ka tukda kaat kar lagane se chehre par glow bhi aata hain. Saath hi skin Saaf aur soft bhi bani rahti hain.



3- Dark spot hone par 

Chehre ya aankho ke niche dark spot hone par Aaloo sabse jyada faydemand hain. Agar aapke chehre par black spot hain, to Aaloo ki slices ko chehre par ragde aur dheere-dheere haatho se 5 minutes tak massage kare. Massage karne ke baad thande paani se dho le.



4- Facial ke daag hone par 

Kai baar aisa hota hain ki Koi facial hamare chehre ko suit nahi karta hain. Aise mein chehre par daag padne lagte hain. Aise mein Aaloo best remedy hain. Iske liye Aaloo ko kaat kar chehre par lagaye.

5- Sunburn hone par 

Garmiyo mein Sunburn hone par Aaloo se behtar koi upay nahi hain. Iske liye aap Aaloo ki slice kaat kar fridge  mein rakh de. Uske baad thande Aaloo ko sunburn area par lagaye. Isse skin saaf, Smooth aur soft hogi.


6- Dark Circle ko remove karne ke liye 

Aankhon ke dark circle ko door karne ke liye Aaloo ek natural upay hain. Aankho ke niche kale ghere hone par Aaloo ka ras nikal kar aankhon par lagaye. Aaloo ka ras regular lagaye. Aaloo ka ras lagane ke liye Cotton ya Cotton Rumaal ka istemal kare.


7- Dry skin ke liye 

Jin logo ki skin dry hoti hain, unke liye Aaloo perfect hain. Iske liye Dahi mein Aaloo ko mix karke mask banaye. Ise chehre par 20 minutes tak laga rahne de. Yeh Anti-Aging remedy ke roop mein kaam karega.

8- Dead Skin Cell ke liye 

Aaloo chehre ki chamak aur Anti-Aging ke saath-saath Skin ke dead cell ko bhi khatm karta hain. Chehre par 10 Minutes tak Aaloo lagaye rakhne se skin ke dead cell khatm hone lagte hain.

9- Natural Cleanser

Aaloo ek natural Cleanser hain. Aaloo ke saath kheere ko mix karke chehre par lagaye. Iske baad ek chammach baking soda ko thode se paani ke saath mix karke lagaye. Isse chehra saaf hoga aur shine karega.



10- Itching, Jalan aur keede ke katne par 

Sharir mein rashes , Jalan aur itching hone par Aaloo ko kaat kar lagaye. Aaloo lagane se jald aaraam milta hain.

  

You May also like :-