Sahjan ke fayde . Benefits of DrumSticks.

sahjanSahjan (Drumsticks) ya munga jad se lekar phool aur pattiyon tak sehat ka khazana hain. Sahjan ke taaze phool herbal tonic hain. Iska vanspati naam 'Moringa oleifera' hain. Iske patte mein kai saare aise aushidi tatv paye jate hain, jo swasth ki drishti se kafi labhdayak hain. Philippians, Mexico, Sri Lanka , Malaysia aadi desho mein bhi sahjan ka bahut jyada upyog kiya jata hain. 




South India ke food mein iska upyog khoob kiya jata hain. Sahjan ke beej se tel nikala jata hain, aur chhal patti , gond, jad aadi se Ayurvedic dawaaye taiyaar ki jati hain. Ayurveda mein 300 rogo ka sahjan se  upchar  bataya gya hain. To aaiye jante hain sahajan ke kuch khas gun :-


1. Sahjan mein carbohydrate, protein, Calcium, Potassium, Iron, Magnesium, Vitamin A, C aur B complex bahrpoor matra mein paya jata hain. Ek research ke anusar isme doodh ke mukable 4 guna jyada calcium aur 2 duna jyada protein paya jata hain. Natural guno se bharpoor sahjan mein itna jyada medicine power hain ki iske phal aur phool se bane Aachaar aur chatni kai saari bimariyon se mukti dilane mein sahayak hain. Yeh sirf khane walo ke liye nahi, balki jis jameen par ise lagaya jata hain, uske liye bhi labhdayak hota hain.


2. Sahjan pachan se judi samsyaon ko khatm kar deta hain. Haiza, Dast, pechish, Pelia aadi hone par iske patto ka taza ras, Ek Chammach shahad aur Nariyal pani mein mila kar le. Yeh bahut hi badhiya dawai hain. 



3. Sahjan ke patton ka powder dil ke aur cancer ke  rogo ke liye bahut hi behtrin dawa hain. Yeh blood pressure ko control mein rakhta hain. Iska pryog pet mein ulcer ke ilaj ke liye kiya jata hain. Yeh pet ke tissue ki marmmat karne mein sakshm hain. Yeh body ke energy level ko badha deta hain. 



4. Iske beej mein pani ko saaf karne ka gun hota hain. Beej ke churan ke roop mein paani ke saath milaya jata hain. Pani mein ghulkar yeh ek natural Clarification agent ban jata hain. Yeh pani ko bacteria rahit banata hain. 


5. Kuposhan pidit logo ko aahaar ke roop mein sahjan ka pryog karne ki salah di jati hain. 1 se 3 saal ke bacchon aur garbhvati mahilaon ke liye yeh vardaan mana gya hain. Sahjan ki jad ko Ajwain, Heeng aur Saunth ke saath kadha  banakar peene ka prachalan hain. Iska kadha Sciatica rog ke saath hi, Pairo ke dard aur sujan mein bhi bahut hi labhkari hain. 


6. Iska Juice pregnant aurat ko dene ki salah di jati hain. Jisse delivery mein hone wali problem se rahat milti hain aur Delivery ke baad maa ki takhleef kam hoti hain. Sahjan ki pattiyon ke saath sahjan ka phal vitamins se bhara hota hain. Sahjan mein Vitamin A hota hain, Isliye yeh saundravardhak ke roop mein kaam karta hain. Saath ki yeh aankhon ke liye bhi labhkari hain. 


7. Pimples ki problem ho to sahjan ka sewan karna chahiye. Iske soup se sharir ka blood saaf hota hain. Chehre par lalima aati hain aur pimples ki samsya khatm ho jati hain. Sahajan ki pattiyon se taiyaar kiya gya soup Tapedik, Asthma aadi rogo mein dawa ka kaam karta hain. 


8. Ismein Calcium  ki matra adhik hoti hain, Jisse haddiya majboot banti hain. Iske alawa Iron, Magnesium aur cilium hota hain. Isliye bachchon aur mahilaon ko iska sewan jaroor karna chahiye. Isme zinc bhi bharpoor matra   mein paya jata hain. Jo purusho ki kamjori ko door karne ki achook dawa hain. Iski Chhal ka kadha aur shahad ke prayog se shighr patan ki bimari theek ho jati hain aur yaun durbalta bhi samapt ho jati hain. 


9. Sahjan mein Folic Acid Bharpoor matra mein paya jata hain. Saath hi sahjan mein Vitamin C bhi bahut matra mein hota hain. Yeh Cough ki samsya mein bahut hi chamatkari dawa ke taur par kaam karta hain. Sardi- Jukam hone par Sahjan ko pani mein ubaal kar us paani ka  bhaap le.

You May also like :-