Hinglishpedia

5
Milk & Honey
Shudh Shahad aur Doodh peene se sharir ko kai prakar ke labh milte hain. Yeh dono ek sampurn ahaar hain jinhe ek saath mila kar dugna fayda uthaya ja sakta hain. Jaha doodh mein dher sara Calcium, Protein, Vitamin aur Lactic Acid bharpoor matra mein paya jata hain. Vahi par Shahad apne aap mein Anti-Bacterial, Anti-Oxidants aur Anti-Fungal guno se bhari huyi hain.




Kya aap jante hain ki prachin kaal mein Greek, Roman, Egypt, Bharat aadi desho mein raniya khud ko jawan aur sunder dikhane ke liye Doodh aur Shahad (Madhu) ka sewan kiya karti thi. Doodh aur Shahad lene se na sirf skin glow karne lagti hain blki sharir ki kai bimariya bhi door hoti hain.


Doodh aur Shahad ka sewan karne se aapka hajma durust hoga, Motapa ghatega, Haddiyo mein majbooti aayegi aur Raat ko neend bhi time se aayegi. Chaliye jante hain Doodh aur Shahad ko saath lene ke aise hi kuch faydo ke baare mein.


1. Pachan :- Doodh aur Shahad ko peene se pachan sambandhit sabhi samsyaon ko door kiya ja sakta hain. In dono samgriyo mein maujood Poshan pet mein acche bacteria ko badhane mein madad karte hain, Jisse pachan theek bana rahta hain. Ek cup Doodh mein 1 Chammach Shahad mila kar pijiye.


2. Takat Badhaye :- Garmiyo mein hamari takat Garmi ki wajah se kam ho jati hain. Ise badhane ke liye rojana Doodh mein shahad mila kar piye. Doodh mein protein hota hain aur Shahad mein Carbohydrate, Jo ki stamina ko badhane mein madad karta hain.


3. Majboot haddiya :- Doodh aur Shahad ka Combination sharir ko healthy banaye rakhne ke saath haddiyo ki bimariyo jaise Osteoporosis ya umar badhne ke saath hone wale jodo ke dard aadi se surakshit rakhta hain, Kyonki Doodh aur Shahad dono mein Calcium ki bharpoor matra hoti hain.


4. Acchi Neend :- Kya aapko raat mein neend nahi aati ? Aise mein aapko sone se pahle ek glass garm doodh mein shahad mila kar peena chahiye. Isse aapki neend na aane ki bimari door ho jayegi.



5. Kabz door kare :- Kabz bahut hi aam bimari ho gyi hain. Ek chammach Shahad aur Garam Doodh mila kar peene se kabz ki bimari apne aap theek ho jayegi. Ise roj subah khali pet piye.


6. Sardi-Jukam door kare :- Garmiyo mein bhi sardi-jukam hona aam baat hain. Lekin Doodh aur Shahad ko mila kar peene se is samsya se jald nijat milta hain, Kyonki yeh ek Anti-Septic dawa ka kaam karta hain. Isme aapko dher sa Vitamin milega Jisse sharir majboot banega aur infection khatm hoga.


7. Baanjhpan door kare :- Shahad aur Doodh ko ek saath lene se aapko sharir ko Amino Acid aur kai prakar ke minerals milenge jisse ovary ko poshan milega. Isliye baanjhpan ko door karne ke liye Doodh aur Shahad ka sewan kare.


8. Wajan ghataye :- Shahad aur Doodh weight kam karne mein madad karte hain. Shahad mein protein ke roop mein energy hoti hain aur doodh dusri or charbi ko jalane mein madad karta hain.


9. Dil ki jalan mitaye :- Khana khane ke baad yadi aap Shahad aur Doodh ka ghol piyenge to aapko dil ki jalan se nijat milegi. Par aapko Garm nahi thanda doodh peena hoga. Mishran ko acchi tarah mila kar piye.


10. Cough door kare :- Garm doodh aur shahad mila kar piye. Jaisa ki aapko malum hain ki shahad mein Anti-Microbial aur Anti-Inflammatory gun paye jate hain jisse infection door hota hain. Yeh cough ki bimari se aapko rahat dilane mein madad karega.



Post a Comment

  1. It's very useful for me......Thank you so much for Sharing us

    ReplyDelete
  2. Thanku souch for sharing useful information.

    ReplyDelete
  3. Thanku souch for sharing useful information.

    ReplyDelete

 
Top