Hinglishpedia

FacebookNepal Bhookamp pidito ki madad ke liye social networking site Facebook ne 1 Crore Dollar se bhi jyada rashi juta li hain. Yeh rashi facebook ne do din ke bheetar jutai hain. Nepal mein 25 April ko aaye 7.9 tivrata vale bhookamp se 6000 se adhik logo ki maut ho chuki hain. 



Facebook ke mukhya karykari Adhikari (CEO) Mark Zukerberg ne Facebook ke apne account par likha hain ki hamne Facebook par logo ke samne Nepal bhookamp pidito ki madad karne ka option pesh kiya. 2 Dino mein 50 lakh se jyada logo ne rahat bachav karyo mein madad ke liye 1 Crore dollars  se adhik rashi daan ki hain. 


Zuckerberg ne kaha hain ki Facebook Nepal ke bhookamp prabhavit area ke liye extra 20 Lakh dollar ki rashi bhi daan karega. Gaurtalab hain ki Facebook ne Earthquake se safety ki disha mein ek aur security feature taiyaar kiya hain, jiske tahat Nepal ke 70 Lakh se adhik logo ko Safe chinhit kiya gya hain. Zuckerberg ne kaha ki yeh kafi prerak hain ki jaroorat ke samay alag-alag community ke log aage aakar jarooratmando ki madad kar rahe hain.
loading...


 
Top