Moto E Phir hua sasta ab Rs.4999 mein available hua.

Moto EMotorola ne apne pahle entry level smartphone ki keemat mein ek baar katauti ki hain. 1000 Rupees se kam hokar yeh phone ab kewal 4,999 Rupaye mein mil raha hain. February mein bhi is phone ko 1000 Rupaye sasta kiya gya tha. 



Do baar huyi keemat mein katauti


Motorola company ka yeh handset Bharat mein saste phone mein Android Kitkat Operating System ka trend lekar aaya tha. Bharat aur American bazaar mein ek saath yeh phone pichle 13 may ko launch kiya gya tha Aur uske baad iski keemat mein February 2015 mein kami ki gyi thi. Launch ke 1 mahine ke bheetar hi company ne Indian Market mein 2.85 Lakh Handset bech diye thay. Motorola ka Moto E Smartphone Behtar hardware features ke saath-saath behtar software features bhi deta hain. Is phone ki sabse badi kami yeh hain ki isme front camera nahi diya gya hain.

Moto E ke features :- 

Moto E mein 4.3 inch ki screen di gyi hain. Iska screen resolution 540 x 960 pixel ka hain. Yeh HD se kam hain, Lekin Display quality ke mamle mein yeh phone badhiya features deta hain. Screen par scratch  na lage iske liye is phone mein Corning Gorilla glass 3 protection diya gya hain. 


Is phone mein Android Kitkat 4.4.2 version Operating system diya gya hain, Jise Kitkat 4.4.4 aur Android ke sabse latest version 5.0 Lollipop par upgrade kiya ja sakta hain. 142 Gram ka yeh Dual Smartphone Micro Sim aur Dual Active Feature deta hain. Is phone mein 1.2 GHz ka Dual core Qualcomm Snapdragon processor diya gya hain. 


Is phone mein multitasking ke liye 1 GB ki RAM di gyi hain. Iske alawa 4G internal memory hain. Memory card ki madad se is phone ki memory 32 GB tak badhaya ja sakta hain. Moto E mein 5 Mega pixel ka camera diya gya hain. Iske alawa HD recording Features bhi hain. Jaise ki pahle bhi bataya gya tha ki Front Camera nahi hain, Yahi Is phone ka weak point hain. 


Connectivity ke mamle mein is phone mein Wi-Fi, 3G, GPS, Bluetooth jaise basic features diye gye hain. Is phone mein 1980 mAh power ki battery di gyi hain. Company ke anusaar 3G data par 24 hours ka talk time mil sakta hain. Ise Black aur white rang mein launch kiya gya hain.



You May also like :-