Hinglishpedia

0
Micromax LaptabBeete kuch dino se Micromax social network ke deewane apne fans ke liye ek behad khas device lane ki jagat mein tha. Company ki yeh jugat ab puri ho gayi hain. Is khas device ke  liye  Micromax ne Micromax Laptab ko launch kiya. Micromax Company ka yeh product Laptop bhi hain aur Tablet bhi hain. Jise Micromax ne Laptab ka naam diya hain. Windows 8.1 par run karne wale is Laptab ki keemat hain Rs. 14999. 




Laptab ki banavat 


Micromax ke is Laptab ki puri body metal se bani hain. Laptab par 10.1 inch ki IPS touchscreen (1280 X 800 Pixels) di gyi hain. Grey metal color ki body ke saath iske speaker grills par black finish aur top ports ke aas-paas Labtap ko stylish look diya gya hain. Iske top aapko Sim slot, Micro SD slot, Micro USB port aur 3.5mm ka audio jack, Iske right side par aapko ek bada button milega jo power aur volume button hain. 


Keyboard doc. 

Box ke ander aapko keyboard doc bhi milega. Doc ke upar magnetic clip  di gyi hain, jo metal ki hi bani hain. Is par aapko 82 keys ka keyboard milega, jo ki track pad par bana hua hain aur saath mein power indicator light bhi di gyi hain. Doc se side mein mouse aur storage drive jaisi accessories ko connect karne ke liye full size USB 2.0 port diya gya hain. Is tablet ko doc par fit kiya ja sakta hain aur isse hatakar haath mein bhi liya ja sakta hain. 


Hardware aur software 


Micromax ka yeh Laptab Window 8.1 par run karta hain. Vahi isko power deta hain Quad core Intel Atom processor. Laptab par memory ke naam par di gyi hain 2GB ki RAM aur 32 GB ka flash storage. Iske alawa others specification ke taur par ispar diya gya hain, Expansion ke  ke liye Micro SD slot, 3G Sim slot Aur charging ke liye Micro USB port.  Isme 10 hours ke battery back up ke saath 7700 mAh ki battery bhi di gyi hain. Isko anya phone ya tablets ki charging ke liye power bank ke roop mein istemal kar sakte hain. In sabke saath is par aapko milega dual speaker, dual camera (2MP front, 2MP rear) , USB host spot, Wi-Fi  aur Bluetooth bhi. 



Result:-


Micromax ki is device ke jaisi device pahle hi kai companies ki or se utari ja chuki hain. Notion Ink, Swipe aur iBall inme mukhya hain. Lekin sabhi ki keemate 2000 Rupees ke aas-paas hain. Aise mein Rs.15000 mein full Hybrid Windows device ek accha sauda sabit ho sakta hain. Sirf ek cheez jo anya device ki tulna mein nahi payi jati hain, vah hain HDMI ke mauzoodagi. Lekin yeh koi badi kami nahi hain. Kul mila kar keemat ke hisab se is Laptab par wajib daam par hame bahut kuch mil raha hain.


Post a Comment

 
Top