Hinglishpedia

MicroMax Canvas Nitro2Indian phone brand Micromax ne apne smartphone ki series mein 'Canvas Nitro 2 ' ko lauch kiya hain. Yeh Canvas Nitro2 Online retail store Infibeam par bikri ke liye available ho gya hain. Micromax ke is naye smartphone ki keemat 10,399 Rupaye rakhi gyi hain. Sutro ki maane to Micromax ne Ise Indian market mein Redmi Note, Lenovo A7000 aur Moto E 4g ke comparative ke roop mein utaara hain. 



Abhi ho rahi hain online bikri 

Indian Smartphone nirmata company Micromax ne ek baar phir Smartphone ki series mein ek behad jabardast smartphone 'Canvas nitro2' Launch kiya hain. Company ne Canvas series mein is smartphone ko jodte huye iski keemat 10,399 Rupees rakhi hain. Sabse khas baat yeh hain ki kaale rang ka yeh smartphone Micromax ke behatrin smartphones mein jagah banane mein kamyaab hoga, Kyonki company ne isme ek se badh kar ek features diye hain. Iske camera ki quality bahut hi acchi di gyi hain. Halaki yeh Smartphone abhi Online Retail stores par hi bikri ke liye available hain. 


5 inch ki display 

Micromax ne is smartphone mein 1280 x 720 pixel resolution ke saath 5 inch ka display diya hain. Yeh smartphone 1.4GHz Octa core MediaTek MT6592M processor par based hain. Iske saath hi 450GPU, 2GB RAM aur 16 GB internal memory di gyi hain. Iske alawa iske memory ko Micro SD card ki madad se 32 GB tak badhaya ja sakta hain. Yeh smartphone Android ke 4.4 KitKat Operating system par chalta hain. Smartphone mein LED flash aur Auto Focus ke saath 13 megapixel ka rear camera hain. Front Camera 5 Megapixel ka hain. Iske alawa ismein 2400 mAh ki battery hain. Connectivity ke mamle mein bhi yeh piche nahi hain, Isme 3G, GPRS/ EDGE, Wi-Fi 802.11 b/ g / n, GPS, Bluetooth aur Micro USB jaise features hain.   
loading...


 
Top