Hinglishpedia

Android M
Google ke mobile operating system Android par ek aur naya version jald hi shamil hone ja raha hain. Google Android Operating system ke is naye M OS Android ka philhal koi naam Company ki taraf se clear  nahi hua hain. Lekin Android ke pichle versions ko dekhte huye Iske naam par tarah-tarah ke anumaan lagaye ja rahe hain. Ise khane peene wali cheezon se jodte huye Android Macroon, Malai burfi, Milkshake aadi naam joda ja raha hain. 



Google I/O ki or se conference


Jankaro ke mutabik Google is naye Operating system ke naam ka khulasa is mahine ke last week mein kar sakta hain. Iske liye San Francisco mein Google I/O ki or se conference bhi aayojit ho sakti hain. Is dauran company Android M ke sabhi features ka khulasa kar sakti hain. Iske alawa yeh bhi kaha ja raha hain ki Google Is saal ke aakhir tak is naye Android M Operating system ko bazaar mein bhi utaar sakta hain. Jisse Mobile grahko ko is naye Android M version ka besbri se intezar hain. Halaki company ki taraf se is naye version ke naam aadi ki koi jankari abhi tak nahi di gyi hain. Lekin logo ka andaja hain ki Yeh ab tak ke Android version se jyada user friendly aur sharp hoga.


Naam ko Khane peene ki cheezo se jod rahe hain log 


Is naye Android operating system ko lekar sabse khas baat yeh hain ki iske naam ko lekar lagaye jane wale anumaan , Log Google ke pichle Operating System KitKat, Lollipop ko dhyaan mein rakhte huye iske naam ko bhi khane peene ki cheezo se jod rahe hain. M alphabet se hone ke karan kuch log ise Macaroo, to kuch ise mudpai naam de rahe hain. Vahi log marjipan, Milkshake naam dene se bhi nahi chuk rahe hain. Khair ab jo bhi naam  ho ab to waqt hi batayega. Aise mein ab is naye Operating System ke Sweet naam ka intezar karna hoga.

loading...


 
Top