Hinglishpedia

0
Lenovo A5000 & P70Lenovo ne apne smartphone portfolio ko badhate huye joint battery wale do smartphone A5000 aur P70 launch kar diye hain. 



Lenovo ke pichle 3 phones A6000, A6000 + aur A7000 ko Flipkart ne flash sales ke jariye exclusive becha tha. Lekin A5000 ko company dukaano par bhi utaregi. Shayad isi karan se iski keemat halke specification ke bawjood jyada rakhi gyi hain. 


A5000 mein 5 inch 720p IPS Display hain aur ispar special nano coating ki gyi hain. Is phone ki motai 9.98mm hain aur wajan 160 gram hain. Is phone mein 1.3GHz Mediatek MT6582 Quad Core Processor aur 1 GB RAM hain. Isme aapko 8 Megapixel Auto focus rear camera aur 2 Mega pixel ka front camera milega. 


Is Phone mein 8 GB ki internal memory storage hain.  Yeh Dual Sim functionality aur Micro SD card ko support karta hain. Iski 4000 mAh ki battery replaceable nahi hain. Isme Android ka 4.4 KitKat Operating system aur Lenovo ki Vibe UI Skin hain. Users ke liye Android 5.0 Lollipop Upgrade bhi maujood hain. 


Phone mein Bluetooth 4.0, Wi-Fi, 3G aur GPS Connectivity maujood hain. 




P70 mein 5 Inch HD (720 X 1280 Pixel) IPS display hain. Iske alawa isme 1.7GHz Octa Core MediaTek (MT6752) Processor hain, 2 GB RAM, 16 GB Internal Memory hain aur Yeh Android 4.4 Kitkat par operate karta hain. Phone mein 4000 mAh ki battery hain. Company ka dawa hain ki yeh phone 3G network par 18 Hours ka talk time aur 696 Hours ka standby time deti hain. 


Is Phone mein 13 Mega Pixel ka Auto Focus Rear camera  aur LED flash hain. Front camera 5 Mega Pixel ka hain. Yeh phone 4G LTE, 3G, Wi-Fi, Bluetooth aur GPS connectivity options ko support karta hain. 



A5000 ki keemat 9,999 Rupaye rakhi gyi hain, Jabki P70 15,999 Rupees mein milega. A5000 sirf Black aur White colors mein milega aur sabhi retail stores par uplabadh hoga. Ise Lenovo Online Store (TheDoStore) par bhi becha jayega. P70 ka sirf Deep blue color variant becha jayega aur yeh sirf The Do Store par hi uplabadh hoga.  


Post a Comment

 
Top