Hinglishpedia

LaukiDuniya bhar mein Bottle gourd ke naam se masahoor sabzi ko Bharat mein Lauki aur Doodhi ke naam se jana jata hain. Iska khastaur se istemal doodhi ka halwa banane ke liye kiya jata hain. Thoda sa kadwa test liye huye Lauki mein bahut sare nutrients hote hain. Isliye ise jyada pakaane se iske nutrients khatm ho jate hain. Health Specialist Lauki ke sewan ki salah kai tarah ki bimariyo ko theek karne mein dete hain. 



Baalo ko safed hone se bachata hain. 

Rojana Subah 1 Glass Lauki ka Juice peena faydemand hota hain. Isse baalo ki asamay safed hone ki problem se chhutkara paya ja sakta hain. 


Tension kam karta hain 

Aajkal ki bhaag-daud bhari zindagi mein kaam ke tension se bach paana mushkil hain. Saath hi kharab khan-pan ise dugna kar deti hain. Lauki mein mauzood paani ki matra body ko refresh rakhne ka kaam karti hain, Jisse tanaav mein rahat milti hain. Iske saath hi kai sare nutrients sharir ko androoni roop se strong rakhte hain. Jisse tanaav aur chinta jaisi problems se rahat milti hain. 

3. Wajan kam karne mein madadgar

Jald-se-Jald wajan kam karna chahte hain, Lauki ka sewan bahut hi behtarin option hain. Kyonki ismein 96% paani hota hain aur per 100 gram lauki mein 12 calorie hoti hain. Fiber ki acchi khasi matra hone se jald bhookh nahi lagti hain aur pet bhara-bhara sa rahta hain. 

4. Pachan mein behtar

Kabz jaisi samsya se joojh rahe marizo ke liye Lauki khana bahut hi faydemand hota hain, Kyonki isme mauzood fiber pet ki androoni safaai karta hain. Saath hi Acidity ki problem hone par Lauki ka juice peena bahut hi faydemand hota hain. 

5. Mutar Sambandhi rogo mein faydemand

Lauki kha kar Sharir ko thanda rakha ja sakta hain. Saath hi iska Juice peshab karte samay ho rahe jalan ki samsya ko door karta hain. Jalan ka main reason Peshab mein Acid ki matra ka jyada hona hain. Is samsya se jald chhutkara paane ke liye Lauki ka juice ya Sabzi khana bahut hi labhkari hota hain.

6. Tarotaza rakhta hain. 

Kheere ki tarah Lauki mein bhi paani ki bharpoor matra paai jati hain, Jo sharir mein paani ki kami ko door karti hain. Sirf ek glass lauki ka juice peene se Sodium ki kami, Motape ki samsya, Suraj ki roshini mein pyaas lagne ki samsya door ho jati hain. Ghanto tak Dhoop mein travel karne walo ko Lauki ka Juice jaroor peena chahiye.

7. Komal aur Khoobsurat skin ke liye

Lauki ka Juice Pet ki androoni Safaai karta hain, Jisse chehre par Dhoop, Dhool aur pollution se hone wale keel-muhanso se chhutkara mitla hain. Saath hi tavcha khoobsurat aur komal bani rahti hain.

8. Dil ki bimari se bachata hain

Shahri ilaako mein busy aur unhealthy lifestyle ke chalte logo mein dil ki bimariyo ko aamtaur par dekha ja raha hain. Lag-bhag 70% log isse preshan hain. Kharab khane, Smoking, Packed Food aadi iski wajah ho sakti hain. Bahut saare phalo aur sabziyo ki tarah Lauki mein bhi cholesterol ki matra na ke barabar hoti hain aur Vitamin C aur Anti-oxidants ki matra dil ko surkshit rakhne ka kaam karti hain.

9. Neend na aane ki samsya se rahat 

Kaam ke chalte , Busy Schedule ke chalte sabse pahle log neend se samjhauta karne lagte hain jo pahle to theek lagta hain, Lekin baad mein Neend na aane ke karan kai prakar ki bimariya ghar kar leti hain. Motapa, Depression aadi bimariya inhi ke chalte lagti hain. Ise door karne ke liye Lauki ke juice mein Til ka tel mila kar peene se kafi rahat milti hain. 


10. Blood pressure control karti hain. 

Sirf 1 glass Lauki ka juice peekar High blood pressure ki samsya ko kaafi had tak control kiya ja sakta hain. Isse Kafi dino tak healthy raha ja sakta hain. Iske saath hi khane mein thoda bahut badlaav karke blood pressure ki samsya ko door kiya ja sakta hain. 

Vaise to Lauki mein Mauzood prayapt paani aur Nutrients sehat ke liye har tarike se faydemand hote hain. Ise sabzi ke khaye ya Iska Juice dono hi labhkari hote hain, Lekin Indian Journal of  gastroenterology 2011 ki study ke mutabik Lauki ka thoda sa kadwa test aapki Pachan shakti ko kharaab kar  sakta hain.

Lauki se hone wale fayde janane ke liye aap yeh video bhi dekh sakte hain :- 


loading...


 
Top