Hinglishpedia

0
LahsunLahsun sirf khane ka swaad hi nahi badhata, Balki iske anek healthy fayde bhi hain. Aap soch nahi sakte ki Lahsun ki ek kali hamare under paida hone wale kitne rogo ka nash kar sakti hain. Kai bimariyo ki roktham aur upchar mein bhi prabhavi hain. Jab aap kuch bhi khane ya peene se pahle lahsun khate hain to aapki takat badhti hain aur yeh ek natural Antibiotic ki tarah kaam karta hain. Ayurveda mein lahsun ko jawan banaye rakhne wali aushidhi mana gya hain. Saath hi yeh jodo ke dard ke liye bhi bahut faydemand hain. Aaj hum aapko bata rahe hain lahsun se hone wale aise hi kuch faydo ke baare mein. 



High BP se bachaye

Kai logo ka manana hain ki Lahsun khane se hypertension ke lakshano mein aaram milta hain. Yeh na kewal rakt ke pravah ko niyamit karta hain, Balki dil se related bimariyo ko door karta  hain. Saath hi Liver aur mutrashay ko bhi sucharu roop se kaam karne mein sahayak hota hain. 


Diarrhea door kare 


Pet se related samsya jaise diarrhea aadi ke upchar ke liye lahsun bahut hi labhkari hota hain. Kuch logo ka daawa hain ki lahsun tantrikaon se related bimariyo ke upchar mein bahut hi labhkari hota hain, Lekin kewal tabhi jab ise khali pet khaya jaye. 


Bhookh badhaye

Yeh pachan kriya ko uttejit karke bhookh ko badhata hain. Jab bhi aapki ghabrahat hoti hain to pet mein acid banta hain. Lahsun is acid ko banne se rokta hain. Yeh tanav ko kam karne mein sahayak hota hain. 


Vaiklip upchar

Jab Detoxification ki baat aati hain to optional upchar ke roop mein lahsun bahut hi prabhavkari hota hain. Lahsun itna adhik shaktishali hain ki Sharir ko Bacteria aur keedo se bachata hain. Anek tarah ki bimariya jaise Diabetes, typhus, Depression aur bhi kuch prakar ke cancer ki roktham ke liye sahayak hota hain. 


Swasn tantra ( Respiratory tract)  ko majboot banaye


Lahsun Swaasn tantra ko majboot banata hain. Yeh Asthma, Pneumonia, Jukam, Purani sardi, Fefdo mein jamav, Cough, Bronchitis aadi ke roktham aur upchar ke liye bahut hi prabhavshali hain. 


Tuberculosis (T.B.) mein labhkari

Tuberculosis (Tapedik) jise aam bol chal ki bhasha mein T.B. kaha jata hain. Is bimari mein bhi lahsun bahut hi fayda pahuchata hain. Ek din mein 1 lahsun ki puri gaath khaye. T.B. ke liye yeh bahut hi badhiya upchar sabit hoga.

  


Post a Comment

 
Top