Hinglishpedia

0
OsteoporosisBadhti umar ke saath sharir mein kai tarah ki problems paida ho jati hain, Khastaur par mahilaon mein. Iske liye sahi khan-pan sabse jyada jaroori hota hain. Jara si laparwahi bahut sari problems khadi kar sakti hain. Aaiye jante hain aisi hi ek bimari Osteoporosis ke baare mein 




Osteoporosis

Osteoporosis ka arth hain pores bone. Yani ki yeh  ek aisi bimari hain, jisme haddiya dheere-dheere kamjor hone lagti hain. Gambhir awastha mein yeh bhur bhuri hone lagti hain. Iske karan haddiyo ka tatakna aam baat hain. Visheshkar isse hips, wrist, back bone aam taur par prabhavit hote hain. Kai baar kursi uthaane jaise mamuli kaam se bhi haddiya toot jati hain. Is Bimari mein haddiya kamjor hone lagti hain. Sabse gambhir situation  Kulhe/Hips ki haddi tutne se hoti hain. Purusho ke mukable mahilaon mein yeh bimari jyada dekhne ko milti hain.


Kab hoti hain yeh bimari ?


Yeh bimari aam taur par umar daraaj logo mein jyada payi jaye, Yeh jaroori nahi hain. Yeh kisi bhi age ke vyakti ko apni chapet mein le sakti hain. Phir bhi dekhne mein aaya hain ki , Yeh umar daraaj mahilaon ko jyada hoti hain. Isme haddiya dheere-dheere prabhavit hoti hain. Iska pata kai saalo tak nahi chal paata hain, jab tak koi haddi tootati nahi hain. Kai baar is tarah ki bimari mein logo ki height prabhavit hoti hain, Jisse peeth mein kubad nikal jata hain.

Kyon hain chinta ka vishay:-


Is bimari se har saal lakho log prabhavit hote hain. Yeh ek gambhir samsya hain, jispar National Osteoporosis Foundation ka kahna hain ki 2025 tak isse hone wale fracture 30 Lakh tak ho chuke honge. 50 se adhik umar ki 2 mein 1 mahila aur 4 mein se 1 purush ko hip, wrist, back, haath-pair  mein fracture ho sakte hain, Kyonki isme yeh pata nahi chal paata hain ki kin karano se aisi samsya ho rahi hain. Sabse gambhir mana jata hain, Hip ka Fracture.

Bimari ka kya hain Karan


Abhi tak is bimari ka vastvik karan pata nahi chal saka hain. Lekin kai aise karan dhoondhe ja chuke hain, jo Is bimari ko badhaate hain. Inmein se ek karan hain umar ka badhana hain. Mahila ho ya purush dono ki haddiya umr ke saath kamjor hone lagti hain. 35 Saal ki umar ke baad sharir  nayi haddiya nahi banata hain. Umar ke saath-saath haddiya bhi ghisti chali jati hain.



Family history (Hereditary)


Kisi ke parivaar mein haddiya tutne ka krm lagatar peedi dar peedi chalta rahta hain. Chhote aur Sudaul sharir walo mein iski aashanka jyada hoti hain. Kharab food , jisme calcium ki matra na ho, aur kharab lifestyle ke karan yeh problem ho sakti hain. 


Dawaaye aur anya Bimari 


Osteoporosis se judi kuch dawaye (Medicine) di jati hain, jaise ki Steroids aadi. Lekin isse kuch anya takleef paida ho jati hain, Jaise thyroid ka badhna ya ghatna ho sakta hain. Is bimari se bachne ke liye khud hi samajhna hoga ki aap kis tarah se fracture se bach sakte hain. Saath hi khan-pan mein pryapt matra mein Calcium aur  Vitamin D ki matra leni chahiye. Rojana Exercise karni chahiye.

Calcium

 Isse bachne ke liye badhte bacchon ko bharpoor matra mein calcium ki jaroorat hoti hain. Agar haddiyo mein wajan aur majbooti hain, to iske hone ki sambhavna kam rahti hain. Lekin agar growth ke waqt pryapt matra mein calcium nahi mila, to baad mein umar badhne ke saath Osteoporosis ki gambhir samsya khadi ho sakti hain. Menopause ke baad aapko calcium ki sabse jyada jaroorat hoti hain. Aapko kitni matra mein calcium lena hain, Yeh Age ke according tay hoti hain. 


9 se 18 ki age ke ladke-ladkiyon ko 1300 ml Per day Calcium

19 se 50 saal ke liye 1000 ml Per day Calcium

50 saal se adhik umar ke mahila aur purush ke liye 1200 ml Calcium per day. 

Dairy Products calcium ka source hain. Ek Glass Milk mein 300ml Calcium sharir ko mil pata hain. Iske alawa calcium ke anya source mein hari pattedar sabziya aati hain. 


Is osteoporosis ka treatment kya hain.


Yeh bilkul sahi hain , jo haddi kharab ho chuki hain, use bachaya nahi ja sakta hain. Lekin baki ki haddiyo ko bachana jaroori hain. 

Ilaj ke tarike 

Estrogen replacement therapy :- Ise ERT kaha jata hain. Yeh un mahilon ke liye hain, Jinhe Osteoporosis hone ki sambhavna jyada hoti hain, Jisse unki haddiyo ko nuksan aur tutne se bachaya ja sake. Bone density  jab menopause  ke dauraan li jati hain, Tabhi tay kar liya jata hain ki ERT is rogi ke liye sahi hain ya nahi. Lekin ERT se breast cancer hone ka bhi khatra rahta hain. 


Selective estrogen-receptor :- New Anti estrogen ko Selective estrogen receptor modulators (SERMs) ke naam se jana jata hain. Isse haddiyo ka wajan badhata hain, saath hi reed ki haddi ke tutne ka khatra kam ho jata hain aur Breast cancer ka khatra bhi nahi rahta hain. 


calcitonin :- Yeh nasal spray ki tarah hain. Isse haddiyo mein majbooti aati hain. saath hi reedh ki haddiyo ko tutne se rokta hain.



Post a Comment

 
Top