Hinglishpedia

Kabz se Rahat
Kabz ke baare mein hum aksar khul kar baat nahi karte hain. Lekin yeh kafi aam si bimari hain jo har kisi ko kabhi na kabhi jaroor hoti hain. 

Sharir mein paani ki kami , Diet mein poshan ki kami, Exercise na karna aur kharab lifestyle ki wajah se logo ko kabz jaisi bimari jhelani padti hain.


Kabz rogiyo mein  pet fulne ki shikayat aamtaur par milti hain. Vaise to yeh rog kisi bhi umar mein ho sakta hain Lekin Buzurgo aur mahilaon mein kabz ki samsya jyada payi jati hain. 

Kabz kabhi kabhi jyada sharmsaar karne wala ban jata hain, Lekin is bimari se sharmana nahi chahiye, Balki iska ilaj jaldi se jaldi karwana chahiye. 


Doctor ke paas jane se pahle aapko kabz ki bimari ko door karne ke liye  ghar par hi kuch gharelu upay ka prayog karke dekhna chahiye. 

Yadi aap Gharelu nuskhe ka prayog karenge to aapki kabz ki bimari turant gayab ho jayegi. Aayiye jante hain iske liye aapko kya karna hain. 

  • Garm Paani aur Nimbu :- Nimbu mein mauzood Citric Acid Pet se jami huyi gandagi ko bahar nikalne ka kaam karti hain. Aap iska sewan 1 Cup Garam Paani mein Nimbu nichodkar kar sakte hain.  

  •  Jaitun ka Tel :- Jaitun ka tel aapke pachan tantra ko uttejit kar deta hain , Jisse aapka pet aaram se saaf ho jayega. Subah Khali pet 1 Chammach Jaitun ka tel (Olive Oil) sewan karne se fayda hota hain. Aap chahe to isme Nimbu ka ras bhi mila kar pee sakte hain. 

  • Amrood aur Papita :- Yeh dono phal kabz rogi ke liye amrit ke samaan hain. Yeh Phal din mein kisi bhi samay khaye ja sakte hain. In phalo mein prayapt matra mein resha hota hain jo Aanto ko shakti deta hain. 

  • Fiber wale aahaar :- Beans, Sabut Anaaz wali bread, Gobhi, Aaloo, Patta Gobhi, Tamatar, Gajar, Pattedar Sabziya, Pyaz aadi khayiye. Reshayukt aahaar aaraam se hazm bhi ho jata hain aur kabz ki samsya ko bhi mita deta hain. Fruits mein aap Kela, Papita, Kharbooz, Nimbu, Aam, Seb aur Mosambi aadi khani chahiye. 

  • Baking Soda :- Baking Soda ke sewan se kabz 95% tak theek ho sakta hain. Iska sewan karne ke liye 1/4 cup garam paani mein 1 T-spoon Baking Soda mila kar piya jaye. Baking soda ko aam bol chal ki bhasha mein Mittha Soda bhi kaha jata hain. 

  • Dahi :- Kabz ki samsya ko door karne ke liye pet mein good bacteria ka hona bahut hi jaroori hain. Saadi Dahi se aapko Pro biotic milega Iske liye aap din bhar mein 1-2 cup dahi ka sewan jaroor kare. Ise breakfast mein khaye. 
  • Khajoor aur Doodh :- Halke garam doodh mein 3 Khazoor dalkar sewan kare. Iska sewan hafte bhar tak kare, Aapko jaroor aaraam milega. 
  • Doodh aur Ghee :- Ek glass doodh mein 1-2 chammach Ghee mila kar raat ko sone se pahle peene se kabz puri tarah se gayab ho jata hain. 

  • Alsi ke beej :- Alsi ke beej ko aanch par halka sa bhun kar powder bana le. Phir ek glass paani mein 20 Gram powder dale aur 3 Ghante tak galne ke baad usay chhan kar pee le. 

  • Isabgol ki bhusi :- Yeh Kabz mein param hitkari hain. Doodh ya paani ke saath 1-2 Chammach Isabgol ki bhusi ko raat ko sone se pahle le. Yeh aanto ki prakriya ko tez karta hain, Jisse pet khul kar saaf ho jata hain. 

  • Triphala Churan :- Triphala Churan ko Shahad ke saath mix karke din mein 2 baar khana chahiye. Yeh ek Ayurvedic upchar hain. 

  • Anjeer :- Ek glass doodh mein tazi anjeer dal kar ubaal le. Phir ise raat ko sone se pahle pee le. Anjeer mein kafi saara Fiber hota hain Jisse turant rahat milti hain. 

  • Patta Gobhi ka Juice :- Din mein aadhaa glass Patta Gobhi ka juice peene se kabz mein rahat milti hain. 

  • Palak ka juice :- Roj din mein aadhaa glass palak ka juice piye. Isse aapko Jaroor aaraam milega. 

  • Pranayam aur Yoga :- Is rog ko door bhagane ke liye pranayam aur Yoga bhi faydemand hote hain.
loading...


 
Top