Hinglishpedia

Pan CARDPradhan Mantri Jan Dhan yojana ki safalta ko dekhte huye sarkar jald hi usi tarz par sabke liye Pan Card ka ek bada abhiyan shuru karegi. Kuch din pahle hi sarkar ne Pan card Jari karne ke liye Online suvidha ki ghoshna ki thi. Jiske tahat 48 ghanto ke bheetar avedak ke paas Pan Card pahuch jayega. Yeh Yojana jald shuru hone wali hain. Iske alawa Gramin ilako mein Camp aadi lagakar logo ko asaani ke saath Pan card banvane ki suvidha uplabadh karvai jayegi. Desh ke har vyakti ko bank khate ki suvidha dene ke liye Modi Sarkar ne Jan-Dhan yojana shuru kiya tha.




Saral banai jayegi Pan Card banvane ki prakriya 

Vitt rajya mantri Jayant sinha ne kaha ki Pan card banvane ke process ko jitna jyada ho sake, Utna jyada saral banaya jayega. Agar sarkar Jan-dhan yojana ke tahat sabhi logo ko jod sakti hain to Har vyakti ke liye Pan hona bhi sunischit kiya ja sakta hain. Pichle saal August mein lauch huyi Jan-Dhan yojana mein ab tak lag bhag 12.54 crore bank accounts khul chuke hain. 


Income Tax Department ke liye niti nirdharit karne wali shirsh ikaai Central Board of Direct Taxes ne ek notification mein yeh kaha tha ki Voter Id aur Aadhaar Card , Pan card banvane ke liye Date of Birth ke proof ke taur par Valid honge.


1 Lakh ke adhik transaction ke liye Pan card hain Compulsory 

Budget mein Govt. ne prastav rakha tha ki 1 Lakh se adhik kisi bhi khareed-bikri ke liye PAN Number dena Compulsory hoga. Lekin is par swaal khade huye thay ki iska  Palan karna sabke liye sambhav nahi hain, Kyonki pratek vyakti ke paas, Khas taur par Gramin Area mein logo ko paas Pan card nahi hain. Vitt Rajya  Mantri Jayant sinha ne bhi swikaar kiya ki desh mein kai logo ke paas Pan Card nahi hain.


Desh mein kitne logo ke paas hain Pan Card 


Desh mein takriban 24-25 crore parivaar hain aur 21 Crore Pan card abhi tak jari ho chuke hain. Inme se 9.5 Lakh Pan card companies ke naam ke hain.


PAN 10 Numbers ka Ulfa Numeric Number hain, Jise Income Tax Department jari karta hain. Income Tax Return dakhil karte samay, ek khas mulya se adhik khareed-bikri, Vahan ki kharidari ke liye Pan Card compulsory hota hain.

loading...


 
Top