Hinglishpedia

Intex Cloud N
Ab jab Yu aur Xiaomi jaisi companies kafi dhoom dhaam ke saath apni devices launch kar rahi hain. Tabhi anya Indian Handset makers ne bhi ek se ek behtarin handset ko launch karne ka mann bana liya hain. Haal hi mein ek desi company Intex ne 4,199 rupees ki keemat par Intex Cloud N ke naam se ek smartphone ko utaara hain. Yeh smartphone abhi E-Retailers website par available hain. 



OS aur RAM par ek nazar 

Jaisa ki Intex ki website par bataya gya hain ki Cloud N par aapko 4 Inch ka display 480 x 800 Pixel resolution ke saath milega. Yeh smartphone Android ke 4.4 version KiKat Operating system par run karta hain. Ismein 1.2 GHz ka quad-core processor diya gya hain, Ismein 1 GB ki RAM bhi hain. Storage Capacity ki baat ki jaye to ismein 8GB ke internal memory hain, Jise  Micro SD ki madad se 64 GB tak badhaya ja sakta hain. 


Camera hain aisa

Photo click karne liye yeh phone aapko 8 Megapixel ka Auto focus rear camera de raha hain. Iska front camera 2 Mega pixel ka hain. Cloud N mein aapko 1400 mAh ki battery mil rahi hain. Iska dimension 124x64.5x9.9mm hain. Intex Cloud N aapki pasand ke anusaar kai rango mein available hain. Grey, White aur Black kisi bhi color ko aap chun sakte hain. Is phone ka weight hain sirf 101 Gram. 


Connectivity mein aapko milega yeh 

Anya Android smartphones ki tarah Intex Cloud N mein bhi aapko mil raha hain Wi-Fi, 3G, Wi-Fi Hot spot, Micro USB port, Dual Sim, Bluetooth aur GPS ke saath Navigation ke liye AGPS ki suvidha.   
loading...


 
Top