Healthy teeth ke liye kya kare? In 5 Habits ke karan kharaab hote hain Daant.

SmileDaanto ki sehat banaye rakhne ke liye Kuch baaton ka zehan mein rakhna jaroori hain. Aisa karne se aap lambe samay tak daanto ki takhleef se door rah sakte hain. Aadton mein kiye gye thode se badlaav se aap
behtar natize paa sakte hain.



1- Burf Chabana-Chusna

Jin logo ko burf ya aise koi thandi cheezo ko chabane ya chusne ki aadat hoti hain, unhe daanto ki sehat kharab hone ka khatra sabse jyada hota hain. Aisa karne se daanto mein fracture hone ki ashanka bani rahti hain. Yadi aapko  koi drink peene ke baad bache huye burf  ko chabane ki aadat hain to aap is aadat ko tyaag de. Burf chabane se daanto mein chhote-chhote crack ban jate hain. Jo bhavishya mein bade hokar daanto ki jado tak pahuch sakte hain. Aisa karna bahut hi ghatak hota hain. 


Kya kare ?

Thandi cheezo ko kam se kam samay ke liye moonh mein rahne de. Meethe khadya padartho ko jyada der tak na chuste rahe. 

2- Daanto ko auzaar samjhna

Kuch log daanto ko auzaar ki tarah istemal karte hain. Ve isse bottles ki dhakkan kholte hain ya nuts todte hain. Aisa karna daanto ke liye nuksaandayak hota hain. Isse daanto ki jade kamjoor ho jati hain. Iske saath hi daanto mein sensitivity ki  samsya paida ho jati hain. Isse daanto ke kinare toot jate hain. Iske karan daanto mein cavity hone ka khatra samanya se adhik ho jata hain. Kapdo par laga chhote se chhota tag bhi daanto se ukhadna bhi hanikarak sabit ho sakta hain. 

kya kare ?

Daanto se koi skhat cheez na tode. Bottle ke dhakkan kholne ki galit kabhi mat kare.

3- Daant peesna 

Bahut  se logo ko daant peesne ki aadat hoti hain. Aisa wah shuruvati daur mein gusse ki wajah se karte hain. Lekin baad mein vah unki aadat ban jati hain. Isse masudo par bahut jyada dabaav padta hain. Aisa hone se daanto ki jade kamjor hone lagti hain. Lambe samay tak is aadat ke bane rahne se daanto ke dard aur kamjori ki samsya paida ho jati hain. Kuch logo ko neend mein daant peesne ki aadat hoti hain. Yeh bhi lambe samay baad ghatak sabit ho sakti hain. Isse daanto ke kone ghees jate hain aur inme daraare pad jati hain. 

Kya kare?

Yadi aapko aisi aadat hain, to Khud par control karke ise door kiya ja sakta hain.



4- Sakht bristle wale toothbrush

Kuch logo ko lagta hain ki jitne hard toothbrush ke bristle honge utne hi acche se daant saaf honge. Asal mein aisa nahi hota hain. Sakht bristle ke karan daanto ki jado par bahut jyada pressure padta hain aur sensitivity ki  samsya badh jati hain. Iske saath hi kuch log adhik dabaav banakar brush karte hain. Isse masudo ko chot pahuchne ka khatra hota hain. Isse daanto ke aas-paas chhale hone ka khatra badh jata hain. Kuch samay baad yeh Pyria ka roop le sakta hain. 

kya kare ? 

Doctor ki salah par toothbrush ka chayan kare. Brush karte samay jyada jor na lagaye.


5- Theek se brush na karna 

Kuch log abhi bhi theek se brush nahi karte hain. Ve ise fijool samajhkar jaldi se jaldi niptaana chahte hain. Aisa karne se daanto mein cavity hone ki ashanka jyada ho jati hain. Iske saath hi rojana flossing  bhi ki jani chahiye. Isse daanto mein fanse khane ke kan aasaani ke saath nikal jate hain. Aisa na karne par daanto ki sadan ki aashnka badh jati hain. Din mein sirf 1 baar brush karna sahi nahi hain. Subah aur raat dono baar brush karna chahiye. 

Kya Kare ?

Rojana Flossing kare. Brush karne ko kaam na samjhe. Aaraam se brush kare.

You May also like :-