Hinglishpedia

Dark CircleAankhon ke neeche kale ghere yani dark circle aaj ke daur mein aam baat ho gayi hain. Mahilaon ke saath-saath purusho mein bhi yeh samsya badhati ja rahi hain. Iski vajah din bhar ki bhag-daud hain, jismein aaram nahi hain. Aise mein aankhon ke niche hone wale kale ghere (Dark Circle) Khoobsurati aur Smartness ko kam karte hain. Kai baar Dark circle unhealthy lifestyle ka natiza hote hain. Bahut jyada Kaam karne, Tension lene, neend na puri ho pane aur anya karan se eye dark circle ho jate hain. Dark Circle ka ilaj gharelu upayo se asaani ke saath kiya ja sakta hain. 




1. Kheere (Cucumber)  ka istemal :-   Dark circle yani kale ghere ko treat karne ka sabse accha upay kheere ka istemal karna hain. Kheera ek accha exigent hota hain aur yeh ek behtrin Cleanser bhi hota hain, jo Aankho ke niche hone wale kale ghero ko khatm kar deta hain. Kheere ke slice kaat le aur unhe aankho par rakh le. Aisa din mein 2 baar kare. Lag-bhag 10 din mein aapko fayda dikhai dene lagega. 



2. Paani khoob piye :-  Agar aankhon ke niche dark circle hain to pani khoob piya kare. Jaroori matra mein pani ka sewan kisi bhi medicine se behtar hota hain. Yeh ek simple gharelu upay hain, Jo Eyes ke Dark circle ko door kar deta hain. Pani peene se skin hydrate rahti hain aur dark circle nahi ho pate hain. 


3. Puri neend le :- Dark circle kafi samay tak sahi neend na lene ki wajah se bhi ho jate hain. Agar aapki neend pichle kai dino se puri nahi huyi hain to sabse pahle soye. Jab aap aaram kar lenge, aankhon ko aaram denge, to dark circle apne aap khatm ho jayenge. Aankhon ke niche hone wale dark circle , vyakti ki kam neend ke baare mein batate hain.


4. Tea Bags se bhi door ho sakta hain dark circle :-   Tea Bags ka upyog karke bhi purush ki aankhon ke niche hone wale dark circle ko door kiya ja sakta hain. Subah ki chay ke baad use kiye gye tea bags ko apne freeze mein rakh de.  Jab aapko samay mile to unhe freeze ke bahar nikal kar aur room temperature hone ke liye rakh de. Baad mein inhe apni aankhon par laga le. Isse aapko aaram milega aur kale ghere kam honge.


5. Tamatar (Tomato) se upchar : - Tamatar mein kai saare gun hote hain. Jo skin ke dark circle ko halka kar dete hain aur skin ko glow pradan karte hain. 1 chammach tamatar ka paste aur Nimbu ka ras mila le. is mixture ko apne eye dark circle par lagaye.  Ise 10 minutes tak yuhi laga rahne de. Baad mein thande pani se dho le.


6. Badam ka Tel (Almond Oil) :-  Badam ka tel kai natural guno se bharpoor hota hain, jo aankhon ke niche dark circle ko fayda pahuchata hain. Badam ke tel ke niyamit upyog se dark circle halke ho jate hain. Raat ko ise aankhon ke niche lagaye aur halke haatho se  massage kare. Massage karne ke baad ise aise hi chhod de. Subah uthne ke baad munh dho le. Aapko Jald hi Dark circle se chutkara milega.
loading...


 
Top