Hinglishpedia

WATER DrinkingGarmi ke dino mein fluid aur liquid kam lene se Body ka electrolytes balance bigad jata hain. Ise dehydration kahte hain, jo ki bahut hi jyada khatarnak hota hain. Dehydration ka turant ilaj karna chahiye. Samay par ilaj na karne se brain hemorrhage, Kidney fail hone ka khatra bana rahta hain. 



Dehydration ke lakshan


1. Baar-baar pyaas lagna.
2. Skin Dry hona.
3. Thakan jyada lagna.
4. Seerdard aur chakkar aana.
5. Kabz hona.
6. Munh baar-baar sukhna.
7. Peshab kam aur peela aana


Dehydration ke nuksan


1. Saans heart beat tez chalegi.
2. Chirchirahat aur confusion. 
3. Blood pressure kam hona.
4. Peshab kam hona. 
5. Fever aana.
6. Pasina-aansu kam aana.
7. Vyakti behosh ho sakta hain. 


Bachav

1. Prayapt matra mein paani piye.
2. Coffee, Cola jaise drink se bache.
3. Masaledaar bhojan na kare.
4. Potassium yukt diet le.
5. Light aur dheele kapde pahne.
6. Jyada Exercise na kare.
7. Cigarette aur Sharab na piye.


Dehydration kya hain.


Sharir mein Fluids khas taur par paani ki kami dehydration ka karan hoti hain. Jismein paani ki matra dheere-dheere cells ke dwara bahar nikalne lagti hain aur bahar se body ko paani ki utni matra nahi mil pati hain, Jitni usey jaroorat hoti hain. Jyadatar garmiyon ke mausam mein yeh samsya dekhi jati hain. Aur iski andekhi kai tarah ki bimariyon ko paida karti hain. Hamare sharir mein 70% paani ki matra hoti hain. Isliye din mein kam se kam 8-10 glass paani peene ki salah di jati hain. Dehydration ke chalte paseena aana, gastrointestinal, Bukhar, Looh lagna jaisi problem hone lagti hain. Sharir mein paani ki kami se kidney par bhi asar padta hain aur pet se related kai prakar ki bimariya hone lagti hain. 


Bado mein Dehydration hone ke karan


Bukhaar, Dhoop ke prabhav aur jaroorat se jyada exercise karne se.
Ulti, dast aur urine ke infection ke karan , khane aur paani peene ke matra mein balance na hona. 
Skin Infection, Bimari aur moonh ki kisi bhi tarah ki bimari hone par dehydration ki problem ho sakti hain. 


Bado mein Dehydration ke lakshan

1. Pyaas badh jati hain.
2. Moonh baar-baar sukhta hain.
3. Kamjori.
4. Chakkar aana.
5. Thakavat.
6. Paseena aana.
7. Baar-baar peshab jana. 

Vaise to Urine ka rang dekh kar Dehydration ka pata lagaya ja sakta hain, aur jaanch karakar jald se jald chhutkara paya ja sakta hain. 


Doctor ke paas kab jaye

Dehydration ke lakshan rogi ko kuch hi dino mein iske lakshan ka pata chalne lagta hain. Jise khud-b-khud door kiya ja sakta hain, Lekin kai baar iski andekhi samsya ko badha deti hain, aur doctor ki help leni padti hain. In lakshan ke paye jane par turant doctor se checkup karwana chahiye. 


Ek din se jyada aur lagatar ulti hone par, Bahut Tez bukhaar kai dino se rahne par, 2 dino se jyada diarrhea hone par,   Wajan kam hone par, Baar-Baar Urine jane par ya Kamjori ya thakatvat mahsoos hone par.


loading...


 
Top