Hinglishpedia

DaliyaLow calorie, High Fiber, bahut sare vitamins aur protein ki matra ke liye daliya ka upyog jyadatar log subah ke nashte mein karte hain. Yeh khane mein bahut hi light hain. Saath hi din bhar ke liye jaroori neutrons ki supply bhi isse ho jati hain. Dalia khakar sehat ko kaise fayda pahuchaya ja sakta hain, aaiye jante hain. 



1. Hemoglobin badhata hain


Dalia iron ka bahut accha source hain, Jo sharir ke liye jaroori hone ke saath, Hemoglobin bhi badhata hain. Saath hi yeh sharir ke tapman aur metabolism ko  bhi balance karta hain. 


2. Wajan kam karna 

Carbohydrate ki uchit matra vale daliya ko jyadatar log subah ke nashte mein khate hain. Kyonki yeh halka hone ke saath wajan kam karne aur Diabetes ke patients ke liye bhi faydemand hain. Saath hi iski thodi si matra khane se pet bhar jata hain, jisse over dieting se bacha ja sakta hain. Diabetes ke mareez dalia kha kar bahut hi jald glucose level ko control kar sakte hain. 


3. Type 2 Diabetes mein faydemand


Dalia aur aise hi prakar ke sabut anaj mein magnesium ki bharpoor matra hoti hain. Magnesium lag-bhag 300 prakar ke enzymes banata hain. Khastaur par aise enzymes jo insulin's secretion mein madadgar hote hain. Saath hi glucose ki jaroori matra blood tak pahuchate hain. Rojana iske sewan se type-2 diabetes ki sambhavna ko 30% tak kam kiya ja sakta hain. 


4. Haddiyon ko majboot banata hain


Daliya  Calcium aur Magnesium ka khazana hota hain. Jo haddiyon ko strong rakhta hain. Iske saath hi daliya khane se pitt ki pathari bhi door hoti hain. 


5. Energy deta hain


Fiber ke saath daliya mein energy ke liye jaroori carbohydrate paye jate hain. Iske saath hi ismein maujood protein ki  matra bhi body ko din bhar energetic rakhti hain. Sirf 1 Cup dalia kha kar B1, B2, Minerals, Magnesium aadi purti ki ja sakti hain. Isme mauzood bahut saare nutrients, Anti-Oxidant sharir se hanikarak toxins ko  bahar nikal kar kai saari bimariyon se bachate hain. 


6. Breast cancer se bachata hain.


Mahilaon mein Breast cancer aaj kal sabse jyada dekhne ko mil rahi hain. Galat khan pan iski ek khas wajah hain. Sabut anaj jaise daliya aadi mein fiber ki pryapt matra breast cancer ki sambhavna ko kam karti hain. Reserch ke anusar Fiber yukt cheezo se Lung, Breast, Ovarian Cancer  jaise sabhi cancer se nijat paya ja sakta hain. 


7. Pachan mein sahayak hota hain. 


1 Cup Daliya mein 2.5 gram fiber paya jata hain. Jo pachan kriya ko sahi rakhne mein madadgar hota hain. Daliya mein mauzood fiber kabz se rahat dilata hain. Aur digestive System ke saath pet ko bhi healthy banata hain. Isse pet ke cancer hone ki sambhavna kam ho jati hain. 


8.  cardiovascular system ko sahi rakhta hain


Rojan 1 cup sabut anaj khakar cardiovascular system ko sahi rakha ja sakta hain. Saath hi High Cholesterol, High Blood pressure ko bhi control kiya ja sakta hain. Daliya Stenosis ko badhne se rokta hain. jo heart ki arteries ko prabhavit karke dil ki bimariyon ko badhaane ka mukhya vajah mani jati hain.


 


loading...
 
Top