Hinglishpedia

0
Chewing GumBahut se logo ko chewing gum chabane ki aadat hoti hain. Yeh kaha ja sakta hain ki logo ko chewing gum chabane ki lat lag jati hain aur phir yeh jaldi nahi chhootati hain. 

Bahut baar aapke teacher ne aapko class room mein chewing chabane ke liye daanta hoga. Kewal Side Effect ke liye nahi balki class mein bad manners ke karan. 


Phir bhi ham aapko kuch aise karan bata rahe hain ki chewing gum kyon nahi khana chahiye. Aaiye dekhte hain Chewing Gum ke kuch nuksaan. Chewing chabane ke bure prabhav:- 


1. Junk Food khane par zor :- Ek research se yeh pata chala hain ki khas taur par mint wali chewing gum chabane se aap phal aur sabziyo jaise healthy foods se door rahte hain. Sirf yeh cheez nahi, Yeh aapko Junk Food (Fast Food) khane ke liye majboor karti hain. 

2. Jodo ke dard ka karan banti hain :- Moonh mein maanspeshiyo ka jyada istemal bhi nuksankari hain. Lagatar chewing chabane se ek disorder hota hain jise medical ki bhasha mein temporomandibular disorder kahte hain. Isme jabde aur khopadi ko jodne wali maanspeshiyo mein tez dard hota hain. 


3. Gastrointestinal ki problem :- Chewing gum chabane se bahut si hawa paida hoti hain, Jisse pet mein sujan aur dard ho sakta hain. Yeh apach aur seene mein jalan ka karan bhi ban sakti hain. Yeh chewing gum chabane ka ek bura asar hain.

4. Seer dard aur allergy :- Sar dard aur allergy bhi chewing gum ke hanikarak prabhav hain. Jyada chewing Gum chabane se Sirdard aur allergy ho sakti hain. Iska karan yeh hain ki Chewing gum mein bahut se preservative, Artificial flavors aur artificial sugar maujood hoti hain jo ki zehareeli, Allergy aur sar dard paida kar sakti hain. 


5. Isse daant bhi kharab ho sakte hain ;- Yeh sach hain ki kabhi-kabhi chewing gum chabana masoodo aur daanto ke liye theek hain. Phir bhi iska jyada istemal daanto ko nuksaan pahucha sakta hain aur aapke daant gir sakte hain. Iska karan hain chewing gum mein maujood sugar cote  daanto mein bacteria ke jane ka karan hain. 


6. Diarrhea :- Chewing gum chabane se diarrhea bhi hota hain. Menthol aur Sorbitol jaise artificial sweeteners aanto mein jalan paida karte hain. Isse diarrhea hota hain aur sharir ka taral nikalne se dehydration bhi hota hain. 

7. zehareela para ghul jata hain :- Kuch logo ne apne daanto ke beech mein kuch bharvaya hota hain jo ki paare, Silver aur tin ka mixture hota hain. Jyada chewing gum chabane se yeh para daanto ke beech se nikal kar sharir mein chala jata hain. Yeh para insaan ke liye zehar hain. 


8. Yeh vikas mein badhit  hota hain :- Ek study mein yeh pata chala hain jo Bachche aur teenagers jyada chewing gum chabate hain young age mein unke chehre ka sahi vikas nahi ho pata hain. Unka chehra samanya se bada hota hain, kyonki jyada chewing chabane se jabde aur chehre ki maanspeshiya uttejit hoti hain. Yeh bhi chewing gum chabane ka ek sabse bada side-effect hain. 


Post a Comment

 
Top