Chana khane ke fayde (Benefits of Bengal Gram, Chickpea, Kala Chana, Gram, Garbanzo)

Chana GramKale chane bhune huye ho, Ankurit ho ya iski sabzi banaai ho, yeh har tarike se sehat ke liye bahut hi faydemand hote hain. Isme bharpoor matra mein Carbohydrate, Protein, Fiber, Calcium, Iron aur Vitamins paye jate hain. Lekin sharir ko sabse jyada fayda ankurit Kale chane khane se hota hain, Kyonki ankoorit Kale chane chlorophyll, Vitamin A, B, C, D aur K, Phosphorus, Potassium, Magnesium aur Minerals ka accha source hain. Saath hi, Ise khane ke liye kisi khas tarah ki taiyaari nahi karni padti hain. Raat Bhar Bhigo kar Subah 2 mutthi Chane khakar Health acchi ho sakti hain. Chane jyada mahnge bhi nahi hote hain aur ismein bimariyo se ladne ke kai gun chhipe huye hain.

1. Kabz se rahat 

Chane mein mauzood Fiber ki matra pachan ke liye behad jaroori hoti hain. Raat Bhar Bhigoye huye chane se paani alag kar usme Namak, Adrak aur Jeera mix kar khane se kabz jaisi samsya mein rahat milti hain. Saath hi, Jis paani mein Chane ko bhigoya gya tha oos paani ko peene se bhi rahat milti hain, Lekin kabz door karne ke liye Chane ko chhilke ke sahit khaye.

2. Pathari ki problem ko door karta hain

Dooshit paani aur khane se aajkal Kidney aur Gallbladder mein pathari ki samsya bahut aam ho gyi hain. Har dusre-teesre aadmi ke saath stone ki samsya ho rahi hain. Iske liye Raat bhar bhigoye kale chane mein thoda sa Sahad ki matra mila kar khaye. Rojana iske sewan se Stone hone ki sambhavna kafi kam ho jati hain, Agar stone hain to asaani ke saath nikal jati hain. Iske alawa Chane ka sattu aur Aate se milkar bani roti bhi is samsya se rahat dilati hain. Kala Chana sharir ki gandagi ko puri tarah bahar nikalta hain. 


3. Energy Badhata hain. 

Kaha jata hain ki instant energy chahiye, to raat bhar bhigoye huye ya ankurit chane mein halka sa Namak, Nimbu, Adrak ke tukde aur Kali mirch dalkar subah nashte mein khaye, bahut faydemand hota hain. Aap chane ka sattu bhi kha sakte hain. Yeh bahut faydemand hota hain. Garmiyo mein Chane ke sattu mein Nimbu aur Namak mila kar peene se energy to milti hi hain, Iske saath bhookh bhi shant hoti hain. 


4. Diabetes se chutkara dilata hain 

Chana takatwar hone ke saath hi sharir mein extra glucose ki matra ko control karta hain Jo diabetes ke mareezo ke liye kargar hoti hain. Lekin iska sewan subah-subah khali pet karna chahiye. Chane ka sattu diabetes se bachata hain. Ek se do mutthi chane ka sewan blood sugar level ko control karne ke saath hi jald aaraam pahuchata hain. 


5. Anemia ki samsya door hoti hain. 

Sharir mein Iron ki kami se hone wali Anemia ki samsya ko rojana chane kha kar door kiya ja sakta hain. Chane mein shahad mila kar khana jald asarkarak hota hain. Iron se bharpoor Chana Anemia ki samsya ko kafi hud tak kam kar deta hain. Chane mein 27% Phosphorus aur 28% Iron hota hain jo na kewal naye blood cells ko banata hain, Balki hemoglobin ko bhi badhata hain.

6. Bukhaar mein paseena aane par 

Bukhaar mein jyada paseena aane par bhune huye chane ko pees kar , Usme Ajwain milaye. Phir isse malish kare. Aisa karne se paseene ki samsya khatm ho jati hain.




7. Purusho ke liye faydemand

Chini-Mitti ke bartan mein raat bhar bhigoye huye chane ko chaba-chaba kar khana purusho ke liye bahut hi faydemand hota hain. Purusho ki kai prakar ki kamjori ki samsya khatm hoti hain. Jald asar ke liye bhigoye huye chane ke saath doodh bhi piye. Bhige huye chane ke paani mein Shahad mila kar peene se mardana takat badhta hain.



8. Hichki mein rahat 

Hichki ki samsya se jyada preshan hain, to chane ke paudhe ke sukhe patto ki smoking karne se hichki band ho jati hain. Saath hi Chana Aanto/ Intestine ki bimariyo se ladne ke liye bhi kafi faydemand hain. 


9. Tavcha ki rangat nikharta hain. 

Chana kewal health ke liye nahi, Skin ke liye bhi bahut faydemand hain. Chana kha kar chehre ki rangat ko badhaya ja sakta hain. Vaise chane ke besan ko haldi ke saath mila kar chehre par lagana sabse jyada faydemand hota hain. Nahane se pahle besan mein Doodh ya Dahi mix kare aur chehre par 15-20 minutes tak laga rahne de. Sukhne ke baad thande paani se dho le. Rangat ke saath hi Keel-muhanse, Daad-Khujali aur tavcha se judi kai prakar ki problems se chhutkara paya ja sakta hain.

10. Jukam mein rahat

Garm Chane ko kisi saaf kapde mein baandhkar soonghne se Jukam theek ho jata hain.



11. Mutr sambandhit rogo mein aaraam 

Bhune huye chane ka sewan karne se baar-baar peshab  jane ki bimari door hoti hain. Saath hi, Gud aur Chana khane se urine se related kisi bhi tarah ki problem mein rahat milti hain. Rojana Bhune huye chano ka sewan karne se Bawasir theek ho jati hain.

You May also like :-