Hinglishpedia

0
BadamEk naye shodh ke mutabik niyamit roop se Badam khane wale log lambi umar tak jite hain. Is shodh mein kaha gya hain ki  rojanat ek mutthi badam khane wale logo mein jaldi maut aane ki sambhavna 20% tak kam ho jati hain. New Zealand Journal of Medicine mein prakashit ek study ke anusaar Niyamit Badam khane se sabse jyada fayda hota hain. Aaj hum aapko Badam ke fayde aur guno ke baare mein bata rahe hain. 



1. Khaye Chhilka sahit

Aamtaur par log mante hain ki bhige huye badam ke chhilke nikal kar subah-subah khali pet lena chahiye. Lekin research se pata chala hain ki iska sewan Chhilke ke saath karna chahiye. Isse Body ki Immunity badhti hain. Agar badam ka sewan roj kiya jaye to din bhar tazagi aur energy bani rahegi.

2. Dimaag ke vikas ke liye helpful

Badam mein aise poshak tatv paye jate hain, jo yaddasht aur brain ke development ke liye bahut hi acche hote hain. Yeh badhte huye baccho ke liye bahut hi faydemand hota hain. Badam mein Monounsaturated fat, protein aur potassium paye jate hain, Jo dil ke liye bahut hi faydemand hain. Isme magnesium bhi hota hain, jo Dil ka daura rokne mein madadgar hota hain.


3. Infection se kare mukabla 

 Naye shodh ke anusaar Badam khane se body ko Viral infection jaise Sardi-jukam, flu aadi se ladne ki shakti milti hain. Italy mein Messina ke institute of research and polyclinic university mein karyrat Scientist ne yeh khoj ki hain ki Badam ke chhilke mein natural roop se aise chemicals paye jate hain, Jo immunity ko badhate hain. Badam ke chhilke se white blood cells mein badhotari hoti hain.


4. Wajan kam kare 

International journal of obesity and related metabolism mein prakashit ek study mein adhik wajan wale motapa grast 65 logo ko shamil kiya gya tha. Jisme mile result ke anusaar Badam yukt kam calorie wala bhojan motape ko jyada prabhavi dhang se kam karta hain.


5. Cholesterol ko kam kare 


Badam LDL cholesterol ko kam karta hain. Isme mauzood Monounsaturated fat dil ki bimariyo ko kam karne mein sahayak hain. British Journal of Nutrition mein prakashit ek report ke anusaar, Badam mein mauzood Vitamin E ke Anti-Oxidant gun ke karan ise khane se LDL Cholesterol level kam hota hain aur dil ke rog hone ka khatra kam hota hain.


6. Kam kare blood sugar 

Yeh khoon mein mauzood sugar level ko kam kar deta hain. Clinical research batate hain ki Badam khane se badhe huye blood sugar level mein kami aati hain. Saath hi Madhumeh aur dil ke rogo ke upchar mein madad milti hain. Madhumeh se pidit log rojana 2-3 badam kha sakte hain.


7. Protein ka power house 

Badam mein protein ki matra adhik hoti hain. Iske 1/4 cup mein 7.62 gram protein hota hain, Jabki 1 ande mein kewal 5.54 gram gunvatta wala protein hota hain. Jo jaroori Amino Acid mein se teesra jaroori acid hain.


8. Hoti hain kam calorie

America ke Agriculture Department mein Food scientist ne haal hi mein apni ek nayi khoj ko prakashit kiya hain. Khoj ke anusaar, Pahle ki tulna mein ab Badam mein 20% kam calorie payi gyi hain. Bharpoor poshak shakti ke bawjood badam mein anya protein sources ke compare mein kam calorie hoti hain. 
  



Post a Comment

 
Top