Hinglishpedia

0
GrapesAngoor khana sabhi ko accha lagta hain. Isse thandak lagti hain aur pyaas bhi bujhati hain. Iske alawa yeh sharir ko healthy rakhne ke saath hi kabz, apachan, thakaan, Gurde ki bimariyo aur Aankhon mein hone wale motiyabind jaise rogo ko bhi door karta hain. Angoor mein Vitamin A,C, B6, Folate ke alawa kai prakar ke minerals jaise potassium, Calcium, Iron, Phosphorus, Magnesium aur selenium bhi paye jate hain. 100 Gram Angoor mein sirf 69 Calorie , Protein/Vasa ki Matra 0.3 Gram, Minerals 0.6 Gram, Carbohydrate 16.5 gram aur Fiber ki matra 2.9 Gram hoti hain. Kale ya Hare angoor mein15 se 25 %  tak glucose ki matra paayi jati hain, Jo khoon mein ghulne ke saath kafi samay tak sharir ko bharpoor energy deti hain.



Angoor mein paye jane wale Flavonoids , jo Anti-Oxidants ke roop mein kaam karte hain, Yeh chehre ki jhurriyo ko kam karte hain aur aapki tavcha ko jawan banate hain. Angoor mein paye jane wala yeh sabse poshak tatv ek healthy life ko banaye rakhne ke liye mahatvpurn bhoomika nibhata hain.


Angoor se hone wale fayde

1. Asthma

Angoor kai prakar ke rogo ke upchar ke taur par bhi istemal hota hain. Asthma (Dama) rogiyo ke liye bhi bahut faydemand hain. Isme maujood paani ki matra se fefdo mein bhi paani ki kami puri hoti hain, Jo Asthma ki sambhavna ko kafi kam kar deti hain.

2. Haddiyo ke liye 

Angoor Copper, Iron aur Meganize ka bahut accha source hota hain, Jo haddiyo ke nirman aur unhe majboot banane mein bahut hi jaroori hote hain. Iske rojana sewan se Osteoporosis jaisi bimari se bacha ja sakta hain. Meganize bhi hamare sharir ke liye ek bahut jaroori tatv hain, Jo nervous system ko sahi rakhta hain.

3. Dil Ki bimari 

Angoor khoon mein Nitric Oxide ke level ko control karta hain , Jisse blood clotting nahi hoti hain. Isse heart attack ka khatra kafi kam ho jata hain. Saath hi isme maujood Anti-Oxidants LDL Cholesterol se bachav karte hain. Flavonoids ki jyada matra bhi acche Anti-Oxidants ka kaam karti hain. Isse breast cancer nahi failta hain. Angoor mein Resveratrol aur  quercetin do prakar ke tatv sharir ko radicals se bachakar Arteries ko bhi surakshit rakhne ka kaam karta hain. Yeh blood mein platelets ki kami nahi hone deta.


4. Migraine 

Pake huye Angoor ke ras ke sewan se migraine jaisi samsya mein araam milta hain. Subah-Subah bina paani milaye 1 Glass Angoor ka juice peena bahut hi faydemand hota hain. Red wine ko migraine ki ek wajah mani jati hain, Lekin Angoor ka juice aur iske beej se is samsya ko door kiya ja sakta hain. Vaise to kam Sona, Mausam mein badlaav, Pachan samsya mein preshani aadi kai Migraine Bimari hone ka karan ho sakte hain. Lekin alcohol ke sewan ko iski khas wajah mana jata hain. Angoor ka ras peekar iske khatre ko kam kiya ja sakta hain.


5. Kabz 

Angoor Kabz jaisi samsya se bhi rahat dilata hain. Kyonki ismein mauzood Organic Acid , Sugar aur Cellulose ki matra pachan kriya ko durust rakhti hain. Isme bhojan ko asaani se pachaane wale reshe paye jate hain jo na sirf aanto ko saaf rakhte hain, Balki pet ki bhi acchi tarah se safaai karte hain. Acche natize ke liye rojana kam se kam 350 Gram Angoor ka sewan karna chahiye. Yeh Dast ki bimari se bhi chhutkara dilata hain.


6. Thakaan 

Rojana Angoor ka juice peene se sharir mein Iron aur minerals ki matra barabar bani rahti hain, Jo thakaan jaisi samsya ko koso door rakhti hain. Vaise to Anemia aam samsya hain , Lekin mahilaon mein sabse jyada payi jati hain. Aise mein agar Anemia se chhutkara pana hain, To Angoor ka juice bharpoor matra mein piye. Isse iron ki matra aapke sharir mein Energy ka level ko banaye rakhegi jo Thakaan aur alaspan ko door rakhti hain. Zinc, Celenium, Carbohydrate aur Polyphenols ki matra brain ko active rakhti hain. Angoor ke juice mein 2 chammach shahad mila kar peene se khoon ki kami puri ho jati hain.


7. Alzheimer Bimari mein 

 Resveratrol Angoor mein paye jane wala ek bahut hi faydemand polyphenol hain jo Alzheimer ke mareezo mein Amyloid beta denotes peptides ke level ko kam karta hain. Kai research mein yeh paya gya hain ki Angoor khane se dimaag healthy rahta hain. Britain ke Scientists ke anusaar kale angoor mein paye jane wale Flavonoids ka sidha sambandh Nerv cells se hota hain jo Yaddast sudhaarne mein madad karta hain.


8. Diabetes 

Diabetes ke rogiyo ke liye angoor ka sewan bahut hi faydemand hota hain. Yeh sugar ki matra ko kam karta hain. Khoon mein mauzood Sugar ko control karne mein Angoor mahatavpurn bhoomika nibhata hain.




9. Daanto ke liye 


Haal mein huyi ek research ke anusar Angoor ke beej aur red wine ke sewan se cavity aur masoodo ki samsya kai percent tak kam ho jati hain. Yeh moonh ki bimariyo se bhi bachaata hain.



10. Rog-Prtirodhak  kshamta ko badhata hain. 

Vitamin A, C aur K ka khazana samete Angoor Sharir ko healthy banaye rakhta hain. Yeh khas taur par immunity ko badhata hain. Isse Sardi, Jukam jaise infection wali bimariya sharir ko jaldi nahi lagti hain.


11. Motiyabind

Flavonoids mein mauzood Anti-Oxidants sirf skin ke liye nahi , Balki Aankhon ke liye bhi bahut faydemand hote hain. Yeh MotiyaBind jaisi bimari se bhi bachate hain.




12. Kidney ke labhkari 

Angoor ke ras mein paani aur potassium ki bharpoor matra hoti hain aur albumin aur sodium chloride ki matra kafi kam hoti hain jo kidney se jahreele tatvo ko bahar nikal kar usay healthy banati hain.


13. Gathiya Rog

Angoor khane ya iska juice peekar gathiya rog hone ki sambhavna ko kafi kam kiya ja sakta hain, Kyonki yeh sharir se Zahreele tatvo ko bahar nikalta hain, Jo gathiya rog hone ka karan hote hain.





14. Skin ke liye 

Angoor mein Vitamine A paya jata hain, Jo skin ke liye bahut hi faydemand hain. Rojana Angoor ke sewan se chehre par nikhaar aa jata hain. Saath hi jhurriya bhi khatm ho jati hain. Aankhon ke neeche kale ghero par angoor lagakar usay kuch hi dino mein hi door kiya ja sakta hain.


15. Moonh  ke chhale 

Angoor Moonh  ke chhalo se bhi rahat dilwata hain. Iske ras se kulla karne se Moonh mein hone wale chhale door hote hain.


Skin ke liye Faydemand 

Tavcha ko healthy rakhne ke liye angoor bahut hi gunkari hota hain. Ismein mauzood Anti-Oxidants aur Anti-Inflammatory tatv tavcha ke liye jaroori tatvo ki  purti karte hain.Saath hi kisi bhi tarah ke phalo ki tarah ismein mauzood Vitamin C Skin ko healthy rakhta hain.

16. Suraj ki roshini se bachata hain. 

Angoor ke beejo aur Gude mein  proanthocyanidins aur resveratrol bahut ki prabhavkari anti-oxidants hote hain. Yeh suraj ki hanikarak ultra violet kirano se tavcha ki raksha karte hain. Saath hi skin par padne wale Lal Nishaan, aur saath hi tavcha ko nuksaan pahuchane wale cells ko khatm karte hain. Jyadatar sunscreen lotions mein Angoor ka pryog kiya jata hain. 

17. Asamay budhape ko rokta hain. 

Free radicals ki samsya chehre par jhurriya banaati hain, jo asamay budhape ka karan hoti hain. Lekin Angoor mein mauzood Vitamin C, In samsyaon se ladta hain aur isse hone wale tavcha ke nuksaan ko rokta hain. Rojana kewal 20 Minutes tak Angoor ke gude se chehre par massage karke is samsya ko roka ja sakta hain.  

18. Tavcha ko komal banata hain. 

Angoor ke beejo mein Vitamin E tavcha mein nami ki matra banaye rakhta hain. Tavcha ki dead cells ko hatane ke liye Agoor ka guda ek achuk upay hain. Jisse komal tavcha payi ja sakti hain. Angoor ke beejo ka tel bhi skin ko komal banaye rakhne mein kafi madadgar hota  hain.

19. Tavcha ko jawan rakhta hain. 

Angoor mein mauzood Organic Acid ki matra se tavcha ko jawan banaya ja sakta hain. Vitamin C Collagen ke nirman mein sahayak hota hain, Jo jaroori cells ke nirmaan ke saath rakt ke pravaah ko bhi banaye rakhta hain. Yeh kai prakar ki bimariyo se ladta hain. Yaha tak ki Mausam ki maar se bhi bachata hain.

20. Daag-dhabbo se chhutkara 

Hare Angoor ki sahayta se chehre ke daag-dhabbo ke saath pimples ki samsya ko bhi khatm kiya ja sakta hain. Vitamin C tavcha ke nishaano ko khatm karne mein kafi kargar hoti hain. Angoor ko Namak ke saath baandh kar usay aadhe ghante ke liye pakaya jaye. Phir ise chehre par 15 minutes tak lagakar halke gungune paani se dho le.




Baalo ke liye faydemand 

Ghane, chamakdar aur lambe baalo ka dhyaan rakhna bhi ek bahut bada task hota hain. Khane-peene ki andekhi aur jaroori poshak tatvo ki kami se aajkal dandruff, do moonhe baal, safed baal aur baalo ke jhadne ki samsya bahut aam baat hain. Lekin Angoor kha kar ya iska juice peekar , Is samya mein turant nijat payi ja sakti hain.




21. Lambe baalo ke liye 

Angoor mein mauzood Anti-Oxidants rakt pravaah ko sahi rakhte hain. Isse baal healthy rahte hain. Ismein koi do ray nahi hain ki Angoor ka tel baalo ke vikas mein madad karta hain. Angoor ke beejo ka tel baalo mein hone wale paseene, uski durgandh ko door karne ke saath hi usay chamakdar , ghana, mulayam aur lamba banane mein madad karta hain.


22. Rusi ki samsya ko khatm karta hain. 

Angoor ke beejo ke tel se dandruff, seer mein khujali ki samsya door hoti hain. Isme maujood paani ki matra jaroori nami ki purti karti hain, Jisse blood circulation sahi rahta hain.

23.  Baal girne ki samsya se nijat 

Angoor asamay baalo ke girne aur jhadne ki samsya ko rokta hain. Iske beejo mein maujood Vitamin E aur Linoleic acid Baalo ki jado ko majboot banata hain. saath hi do moonhe baal jo baalo ke jhadne ki khas wajah hain, unhe bhi khatm karta hain. 

24. Aromatherapy

Har tarah ki tavcha ke liye faydemand angoor ke beej ko Aromatherapy ke liye bhi istemal kiya jata hain. 


Post a Comment

 
Top