Hinglishpedia

0
Micromax company ne apne lokpriya smartphone Unite 2 ka naya version Unite 3 ko launch kar diya hain. Yeh phone company ke official website par list kar diya gya hain. Isi ke saath third party online retailer par yeh phone RS. 6569 mein bikri ke liye aa gya hain. Gaurtalab hain ki Micromax Unite 2 ke baad yeh is series ka teesra phone hain. 



Offer :- 

Micromax ki official website par is phone ke saath Vodafone ki taraf se do mahine tak 500 MB (2G/3G) data dene ki baat kahi gyi hain. 



Kya hain khas


Micromax ka yeh phone series ke baki dono smartphones ki tarah kai languages ko support karta hain. Iske saath hi 10 Indian Languages Pre-Loaded aayengi. Is smartphone mein ek aur feature hain ki users English se kisi anya bhasha mein  message ko  translate kar sakte hain aur iska ulta bhi kar sakte hain. Micromax Unite 3 smartphone Android ke Lollipop Operating system par kaam karta hain. 



Features ki baat kare to Android Lollipop operating system par kaam karne wale Micromax Unite 3 mein Unite 2 ki tarah 4.7 inch ki screen di gayi hain. Iska resolution kafi kam hain (480 x 800 Pixel ka resolution). Screen size aur picture quality bhi Micromax Unite 2 jaisi hi hain. 


Unite 3 mein 1.3 GHz ka Quad Core MediaTek (MTK6582M) processor diya gya hain. Isme 1 GB ki RAM ke saath 8 GB ki internal memory di gyi hain. Isse pahle Unite 2 ko 4 GB internal memory ke variant mein launch kiya gya tha. Micro SD card ki madad se is phone ki memory ko 32GB tak badhaya ja sakta hain. Connectivity ke mamle mein is phone mein 3G, GPRS/ EDGE, Wi-Fi, Micro USB aur Bluetooth jaise option diye gye hain. 


Camera features ki baat kare to pichle variant ke mukable ise behtar banaya gya hain. Unite 3 mein 8 Megapixel ka Auto Focus Rear camera aur LED flash diya gya hain. Pichle variant mein 5 Megapixel ka rear camera tha. Front camera mein koi badlav nahi kiya gya hain. Yeh ab bhi 2 Megapixel ka fixed focus camera hain. 


Micromax ne is smartphone mein 2000 mAh ki battery di hain. Official listing ke anusar is phone ki battery 8 hours ka talk time deti hain. Iske alawa 220 hours ka stand by time milega. Is phone mein Ask me, chats, clean master, Facebook , Facebook Messenger, Hot star, News Hunt, Paytm, Quicker, SnapDeal jaise Apps pahle se hi pre-loaded hain.  


Post a Comment

 
Top