Hinglishpedia

Anar ka JuiceAajkal ke lifestyle ke chalte log healthy foods ki jagah Packaged food ko khate hain. Aise mein unhe jald hi infections ho jate hain ya phir bimariya gher leti hain. Aajkal logo mein anemia yani khoon ki kami bahut dekhi ja rahi hain. Aisa mahilaon ke saath bahut jyada hota hain. Lekin iska asaan sa upay chhipa hain Anar ke daano mein. Anar ke daane dikhne mein jitne khubsoorat hote hain, Khane mein utne hi swaadist, Lekin Anar chhil kar khane ki baat par hum sabhi log aalsi ho jate hain.



 Anar ke ayurvedic guno ke aadhaar par duniya bhar ke scientist kai tarah ke research kar rahe hain. Anar hamare desh mein lag-bhag sabhi states mein ugaya jata hain aur bade hi chaav ke saath khaya jata hain. Traditional taur par desi nuskhe ke taur par Anar ka kai tarah ke rogo ke upchar ke liye upyog kiya jata hain. Anar ke kai saare rochak guno ke baare mein jankar aap sabhi Anar ko apne khan-pan ka ek aham hissa bana lenge aur saath hi aalas chhodkar anar ko chhilne mein bhi deri nahi karenge, Kyonki na sirf iske daano mein balki iske chhilke mein bhi kai tarah ke fayde chhupe huye hain.

Anaar ke juice peene ke fayde :-

Khoon ki kami nahi hoti

Aisa mana jata hain ki Anar ke sewan se sharir mein khoon ki kami door ho jati hain aur isi wajah se yeh dil ke liye bhi bahut faydemand mana jata hain. Rojana 1 glass Anar ka juice peene se sehat achchi rahti hain.

Wajan kam karne mein faydemand

Anar ka Juice Sharir mein insulin ki matra ko prabhavit kiye bagair insaan ka wajan kam karne mein madad karta hain. Khali pet rojana anar ka juice peene se Fatty cells ka bananaa kam hone lagta hain aur dheere-dheeere wajan kam ho jata hain.

Garbh mein shishu ki sehat ke liye faydemand

Anar ka juice cardiovascular system ko behtar banata hain. yani yeh brain ki sehat ke liye behatrin hota hain. Mana jata hain ki brain se judi samsyaon ke rogiyon ko Anaar ka juice har dum peete rahna chahiye. Anek research se pata chala hain ki maa ke garbh mein pal rahe bachche ki sehat ke liye Anar ka juice bahut hi faydemand hain. 


Arthritis mein aaraam milta hain. 

Jod dard ya Arthritis se grast rogiyon ke liye Anar ka juice vardaan hain. Rogiyo ko din mein ek baar kam se kam 75 se 100 ml Anar ka juice jaroor peena chahiye. Isse kafi aaraam milta hain.


Prostate cancer ko rokta hain.

Research se yeh jankari mili hain ki Anar ka ras Prostate ke dohrepan ko rokta hain aur Prostate cancer cells ko maarne mein sakshm hota hain. Isliye prostate cancer ki sambhavnaye hone ya iske shuruvati daur mein rogi ko Anar ka juice peelana chahiye , Jo behad kargar hota hain.

Breast cancer se ladta hain. 

Lab se prapt clinical results par nazar dali jaye, to jankari milti hain ki Anar ke daano mein aromatase naam ke enzyme ki kriya ko kam karne ka gun hota hain. Darasal aromatase Enzyme Androgen  ko estrogen mein badalne ka kaam karta hain  Jiske karan mahilaon mein breast cancer ka khatra badh jata hain.


Moonh ke rogo ke liye 

Kai khatarnaak bacteria ki wajah se Gingivitis aur anya moonh se sambandhit rog hote hain aur iski badhotari ko rokne ke liye Anar ke Chhilke behad asardaar hote hain.




Purusho ke liye faydemand 

Lagbhag 50 gram Anar ke ras mein chhoti elaichi ke beejo ka churan (lagbhag 1 gram) aur Sonth powder (lagbhag aadhaa gram) mila kar peene se purusho mein peshab ke saath virya nikal jane ki samsya mein bahut jyada labh hota hain.


Yaddasht badhata hain

Evidence-Based Complementary and Alternative Medicine (eCAM) mein haliya publish ek report ke anusaar Rojan sirf 1 glass Pomegranate (Anar) ka juice peekar 30-40 varsh ke log aur bujurg apni yaddasht ko behtar bana sakte hain.  Is shodh ko sabit karne ke liye Yaddasht ki samsya se preshan kareeb 32 logo ko ismein shamil kiya gya.  Is research ke duaraan in logo ko Anar ka juice 1 glass rojana ek mahine tak peene ke liye diya gya. Ek mahine baad aaye result dekhne par pata chala ki Anar ka juice Yaddasht ko behtar banane mein kargar hain. 


Anar ka juice yaddasht badhaata hain , jaisa ki research se pata chala hain. Lekin iske alawa Anaar ko ek behtar brain tonic bhi mana gya hain. Research ke mutabik Anar mein neuroprotective gun paye jate hain. Iske lagatar sewan karne wale vyakti ko Brain Hemorrhage jaisi bimari hone ki sambhavna kafi kam ho jati hain. Saath hi Alzheimer ke  rogiyo ke liye bhi Anar ka Fruit aur Juice bahut hi faydemand hota hain. 

Ek Anar khakar itni saari samsyaon se chhutkara paya ja sakta hain, to bina soche aur aalas kiye aaj se nahi, Balki Abhi se Anar khana shuru kar dijiye.
loading...


 
Top