Hinglishpedia

twitterTwitter apne users ke liye ek naya feature Highlights launch karne ja rahi hain. Jiske jariye wah rich push notification se din bhar ke best twits ka ek digest bhejega.

The verge ke mutabik , " Twitter ka yeh naya feature shuruvat mein sirf Android Platform ke liye available hoga."

Twitter ke Gorden Look ne Thursday ko ek blog post mein likha hain, " Aapki Home Timeline browse karne aur twits se engage hone ke liye ek behtarin jagah hain, lekin ham jante hain ki is par mauzood har cheez ko dekhne ka time nikaal pana kafi mushkil hain."



Twitter ka kehna hain ki yeh nayi service aapko aapke liye relevant best twits dekhne ka mauka deti hain. Aap jin logo ko follow karte hain, unke top twits, Trending Stories aur bahut kuch dekh sakenge. Aapki highlights create karne ke liye Twitter unn accounts aur conversation ko dekhta hain , jo logo ke beech popular hain. Jinhe aap follow karte hain unke twits bhi dekhata hain, Jinse aapke kareebi rishtey hain aur aapke ilake ke Trending Topics aur events ke baare mein bhi batata hain. 


Agar aap apne phone par Highlights feature ko pana chahte hain, to din mein 2 baar Twitter aapko notification bhejega, jahan aapki highlights, ek naye aur saaf -suthare interface par nazar aayegi. 


Aap Right se left ki taraf swipe kar ek item dekh sakte hain. Jab aap aakhiri highlight par pahuch jayenge, to ek aur swipe kar apni home timeline par pahuch sakenge. Highlights ko Shuru karne ke liye Settings par jaye, Apna account Handle chune, Mobile Notification menu par jaye, Aur Highlights Box ko Check karde.   
loading...


 
Top