Hinglishpedia

0
Google Person Finder Nepal EarthquakeSaturday ko Nepal mein aaye 7.9 ke earth quake ne Nepal ke saath-saath Poore North India ko hila kar rakh diya. Is takhleef ki ghadi mein jahan ek aor duniya ke har desh madad karne ko taiyaar hain, vahi internet ki duniya ke mashoor search engine Google ne bhi Nepal ki madad ke liye Person Finder service ki shuruvaat ki hain. Iske dwara Earth-quake ki trashdi mein fanse logo ki sthiti ke baare mein pata kiya ja sakta hain. Saath hi yeh web Application logo ko Bhookamp se jude suchnaon ko bhi ikattha karne mein help kar sakta hain. 



Yeh Application do charno mein kaam karti hain. Pahla "I am looking for someone" (main kisi ko dhoondh raha hoon), aur doosra "I have Information about someone" (Mujhe kisi ke baare mein suchna chahiye) . Agar koi vyakti is trashadi mein phansa hua hain aur aapko unki jankari chahiye to "I am looking for someone" me jakar us vyakti ka naam likh sakte hain. Isi tarah agar kisi ke parijan ki safety ke baare mein agar unhe suchana chahiye to " I have Information about someone" tool mein jakar apne parijan ka naam likhna padega. 


Gaurtalab hain ki yeh tool English aur Nepali dono language mein available hain. Yahan yah bhi janana jaroori hain ki is tool ka istemal Bharat ke Jammu & Kashmir aur UttaraKhand  mein aayi trashdi ke waqt kiya ja chuka hain. Saath hi iske upyog se un ghatnaon ke dauraan bhi logo ko kafi suvidha huyi thi, aur iske chalte kai logo ki jaan bachai gyi thi.


Post a Comment

 
Top