Hinglishpedia

0
EarthquakeYeh baat kai satabdi se chali aa rahi hain ki kuch janwar bhookamp aane se pahle apni aadtein badal dete hain. Iski bhale hi Scientific taur par pushti naa hui ho, Aur kharij bhi nahi kiya gya hain. Lekin research jaroor kiye gye hain. Janwaro ke earthquake ke sanket dene ko lekar Italy, Japan, China sahit kai desho mein charcha hoti rahi hain. Water ke under rahne wale animals ke bare mein scientist kehte hain  ki ground water ke chemicals mein kuch change ho sakta hain, Jisse pani mein rehne vale janwar ko  sanket mil sakta
hain. Aaj hum kuch aise janwaro ke bare mein janenge jinki badli huyi harkate bhookamp ka suchak ho sakti hain.




1. Mendhak (Frog)  :-

FrogItaly ke 2009 ke bhookamp se theek pahle vaha ke ek talab ke sare medhako ne talab ko chhod diya tha aur vah sabhi talab ke bahar aa gye thay. Aisa Mendhako ne earthquake aane  ke kuch din pahle kiya tha. Is par Italy mein research kiye gye thay. Research ke result mein yeh likha gya ," Ho sakta hain ki Earth ke bheetar pressure ke karan chattaon se charged atom nikle ho aur water ke saath unka reaction ho gya ho. "
Research Team ko lead karne vale ne kaha tha ki unke thesis ke base par Biologist aur Zoologist ko aage kaam karna chahiye.




2. Oarfish


OarfishKisi beech par Oarfish  naam ki machhali (Fish) ka milna bahut hi mushkil hain. Kyonki yeh Fish kafi gahre paani mein rahti hain. Lekin 18-20 feet lambi jab kuch Oarfish kisi Samunder ke kinare paayi jati hain, to Earthquake ko lekar rumors chalne lagti hain. Iske pichhe ki wajah hain ki Japan ke 2011 ke bhookamp aur Tsunami ke theek pahle  kareeb  20 Oarfish pani ke bahar aa gyi thi. Japan Times ne Ise Messenger from the sea God kaha tha. Chili ke 2010 earthquake ke pahle kuch Fishersmen ne Kuch Oarfish ko dekha tha.




3. Red Ants

Red antsEuropean Geoscience Union ki ek salana meeting mein pesh kiye gye ek research ki report ke mutabik Red Ants (Lal Chinti) bhi Bhookamp ke sanket ko samajh sakti hain. Gabriele Berberich naam ke Geo Biologist ne Iske liye Ants par 3 saal ka analysis kiya. Unhone kaha ki jab 1 baar 2 rector scale par bhookamp aaya to ants ki gatividhi badal gyi. Pahle Chinti raat ko bill mein rahti thi, Lekin bhookamp ke waqt bahar aa gyi thi. 







4. Billi (Cat)

catAnimal Planet ne kuch research ke hawale se kaha hai ki Billion (Cats) ke kuch sanket bhi bhookamp aane ke suchak ho sakte hain. Kahte hain ki kuch Vibration ko vaise bhi hum insaan samajh nahi pate hain, Lekin yeh Janwar samajh sakte hain. Aapki gharelu billi achanak se bed se nikal padti hain aur wah bina kisi vajah
se ghabraai aur dari hui nazar aati hain to yeh Bhookamp ka sanket ho sakta hain.


Post a Comment

 
Top