Karela Khane ke fayde. Benefit of Bitter Gourd.

Bitter Gourd, KarelaKadwe aur tikhe swad vala karela jyadatar logo ko napasand hota hain, lekin karele mein aise kai tatv mauzood hote hain. Jo hamare liye bahut hi faydemand hote hain. Yeh kai prakar ki bimariyon se bhi bachate hain. Iski sabzi ke saath hi iska juice pikar kai saari bimariyon ki sambhavnaon ko khatm kiya ja sakta hain.

Karela khane se hone vale fayde :-



1. Saans sambhandit bimariyon ko door rakhta hain :- 
    
Taza Karela Saas sambhandhit kai saari bimariya jaise Sardi-Jukam, Asthma aadi se bachata hain. Rozana iska sevan kar mumkin nahi hain, to hafte mein 2 se 3 baar sabzi ke roop mein khana faydemand hota hain. Karela aur Tulsi ki pattiyon ko pees ke subah-subah Shahad (Honey) ke saath lene se kai tarah ki takleefein door hoti hain. Damaa hone par bina masaale ke chhaunki huyi Karele ki sabzi khane se fayda hota hain. 

2. Liver ke liye acchha hain:-

Kharab khan-pan, drink aur kuch bimariyon ka sabse jaldi aur sidha asar liver par padta hain. Isse kai tarah ki health problem hoti hain, aur aage chalkar khane-peene mein bahut jyada parhez karna padta hain. Zara si andekhi se gambhir samsya khadi ho jati hain. Iss prakar ki preshaniyon se bachne aur Liver ko swasth banaye rakhne ke liye rozana sirf ek glass karela ka juice peena chahiye. Jaldi asar ke liye 1 hafte tak iska sevan kare. Pani ki kami hone par 1/2 cup pani mein 2 spoon karela ka juice milakar teen se char baar peene se fayda milta hain. 

Other Benefits:-

Immune system  sahi rakhta hain, dil ki bimari nahi hoti, motapa door karta hain, Diabetes control karta hain. Kabz se rahat, arthritis mein aaram, Cancer se bachata hain, Khoon ki kami door karta hain, skin disease se bachata hain, Skin ke infection se bachata hain, Anti easing ka kaam karta hain, Chamakdaar baal, do muhe balon se rahat.


3. Immune System ko sahi rakhta hain:-

Karele mein aise kai saare tatv mauzood hote hain, jisse body ki immunity power badhti hain. Karele ko pani me boil karke peena sabse jyada faydemand hota hain. Yeh immunity ko badhata hi hain aur saath mein kai tarah ke infection aur rogo se hame door rakhta hain. 

4. Dil ki bimari nahi hoti hain :-

Karela har tarah se dil ke liye bahut hi faydemand hota hain, kyonki yeh cholesterol level ko control karta hain. Jisse Astrix sahi dhang se kaam kar pate hain, Aur heart attack ki sambhavna kafi had tak kam ho jati hain. Saath hi blood sugar level ko maintain karke dil ko healthy aur happy rakhta hain. 

5. Motapa door karta hain :-

Karele mein mauzood anti-oxidant body ke saare bekar tatvo ko bahar nikal deti hain. Isse pachan kriya sahi rahti hain. Karela motapa kam karne mein bhi madadgar hota hain. Iske alawa karela sharir mein callory ki matra ko control mein rakhta hain. Saath hi isme 80-85% pani ki matra hoti hain, jo wajan ghatane ke liye bahut hi jaroori hain. Karele ke ras ko Nimbu ke ras ke saath paani mein milakar peene se wajan kam hota hain. 

6. Diabetes Control karta hain :-

Type 2 Diabetes marizon ke liye karela ka juice peena bahut hi acchha mana jata hain. Vaise to yeh diabetes ka ilaj kafi samay se chalata chala aa raha hain, lekin research se bhi is baat ki pushti ki ja chuki hain. insulin ki uchit matra na hone par blood mein sugar ki matra badh jati hain, Jo Type 2 Diabetes ke liye jimmevar hain. Lekin karela ka juice blood sugar level ko control karta hain. Iske alawa Kheere ka ras, green apple ka ras, hari shimla mirch ka juice bhi kafi faydemand hota hai. 

7. Kabz se rahat :-

Karele mein mauzood fiber pachan kriya ko sahi rakhta hain. Isse kabz jaisi samsya nahi hoti hain, agar pahle se hi kabz ki samsya ho to karela ki sabzi kha kar ise door kiya ja sakta hain. Saath hi ise khane se pet ki androoni safai bhi ho jati hai. Apachan ki samsya ko door karne ke liye karela ka sevan karna faydemand hain. 

8. Arthritis mein aaraam:-    

Umr ke badhne ke saath jodo ki samsya ka hona aam baat hain. Ghutno mein dard, baithne-uthane mein samsya, Seedhiyan chadhne mein preshani hona arthritics hone ka sanket hain. Iske liye karela bahut hi jana-mana upchar hain. Arthritis hone par yaa haath-paanv mein jalan hone par karele ke ras se malish karne se rogi ko aaraam milta hain. 

9. Cancer se bachata hain: -

Cancer aur Aids jaisi bimariyon se ladne ke liye karela sahayak hota hain. Iska Juice peene, aur iske goode ko pani mein ubaalkar peene se cancer jaise bhyanak bimari ki sambhavna ko kafi had tak kam kiya ja sakta hain. 

10. Khoon ki kami ko door karta hain :-

Mahilaon mein hemoglobin ki samsya bahut hi aam hain. Vaise to iske liye bahut saari medicine bazaar mein uplabadh hain, jisse iski kami ko door kiya jaa sakta hain. Lekin iron se bharpoor sabziyon ka sevan karna sabse jyada faydemand hain. Din mein ek baar karele ki sabzi khane ya iska juice peene se hemoglobin ki kami ko door kiya jaa sakta hain. Saath hi khoon bhi saaf hota hain. 

 
Skin ko hone vaale fayde :-

Kahte hain ki acchhi skin ka sambandh acche khan-pan se  hain. Body mein bharpur matra mein Neutrons, Minerals , Vitamins , protein ki  matra se na kewal sehat acchi rahti hain balki skin bhi glow karti hain.

11. Skin ke rogo se bachata hain:-

Karele ke rozana sevan karne se skin ki chamak barkaraar rahti hain. Saath hi kai prakar ke tavcha ke rogo se mukti milti hain. Karele ka juice khoon ko saaf karta hain, Jisse chehre par hone vale keel-moohanse, daag-dhabbe aadi se chutkara milta hain.


12. Skin ke infection se bachata hain :-

Infection jaise Khaj, khujali, chaktte aadi se bachne ke liye karele ka sevan bahut hi jyada labhkari hota hain. Fungal Infection jaise Daad, Haath-pairon mein paani lagne se hone vale rogo se bachata hain.

13. Anit Itching ka kaam karta hain :-

Karele mein mauzood Vitamin C , Ek bahut hi acchha Antioxidant hota hain. Jo hanikarak Free Ridicules ko door karta hain. Saath hi karele ka niyamit sewan karne se chehre par padne vali jhuriyan gayab ho jati hain. Asamay budhape se bhi yeh bachata hain.

Karela se balon ko hone vale fayde 

Balon ko swasth aur mazboot banane mein karela bahut hi faydemand hota hain. Yeh balon se sambandhit kai prakar ki samsyaon ko door karta hain.

14. Chamakdaar baal :-

Lambe, ghane aur chamakdaar baalon ki chahat lag-bhag sabhi ko hoti hain. Iske liye karele ke juice mein dahi milakar usay baalon par lagaaye. 15-20 minutes baad usay saaf paani se dho le. Aisa karke baalon ko chamakdaar banaya ja sakta hain.

15. Dandruff se rahat:-

Dhoop, dhool aur Pollution se baalon mein dandruff ki samsya aam baat hain. Lekin uski vajah se baalon ka asamay pakna aur girna gambhir samsya hain. Isse bachane ke liye karela bahut hi badhiya sabzi hain. Karele ke juice mein Zeere ko mix karke Hair pack taiyar kare. Phir ise baalon par lagaye. Ek mahine tak iss hair pack ka istemal karke dandruff ki samsya ko jad se khatm kiya ja sakta hain.

16. Do muhe baalon se rahat:-

Do muhe baal na sirf baalon ka looks kharab karte hain, balki unki growth ko bhi rok dete hain. Iske baad baalon ki cutting karne ka aur koi doosra rasta nazar nahi aata hain. Lekin bahut se log is baat se anjaan honge ki karele ke juice se iss samsya ko bhi door kiya ja sakta hain. Bas hafte mein do baar iska istemal karna kargar hota hain.      


You May also like :-