Hinglishpedia

0
Mobile Tv Smartphone Without InternetPublic Broadcaster Prasar Bharti Smartphones par logo ko T.V. channels dikhane ke liye ek pilot project par kaam kar raha hain. Khas baat yeh hain ki isme Internet yaa telecom broadband  ka istemal nahi hoga. Prasar Bharti ki yojana iske jariye audience ki abhi tak sabse adhik sankhya tak bina internet ke T.v. Channels smartphones par pahuchane ki hain. 

Prasar Bharti ke CEO Jawahar Sarkar ne ET se kaha , " Jab Duniya terrestrial se satellite ki taraf ja rahi hain, to Doordarshan piche jaa raha tha. Ab aage badhne ka ek matr rasta nayi technology ke saath mauzooda infrastructure istemal karne ka hain."

Iski shuruvat mein prasar bharti ki yojana lag bhag 20 Free to Air channels ka ek bouquet taiyaar karne ki hain. Isme DD ke top channels ke alawa kai bade private  broadcaster ke popular free to air channels bhi shamil honge. 


Iska makshad naye zamane ke viewers ke saath judna hain. jo apna kafi time Smartphone ya tablet par bitate hain. 

Sarkar ne yeh bataya hain ki prasar bharti ko apna yeh target pura karne ke liye kewal apne mauzooda infrastructure ko upgrade karna hoga. Unhone kaha ki Installed Trans meters ki ek  badi sankhya hain. Jinka istemal  Digital Signals ko sidhe external dongle ya inbuilt chip ke jariye bhejne ke liye kiya ja sakta hain. 

Unhone bataya," Har viewers ek Head held device se jude dongle ke jariye content dekh sakega. Jise Samsung, Apple,Microsoft aur HCL jaise Hardware manufactures apne system mein inbuilt kar sakte hain. jaisa Private FM radio channels ne kiya hain.

Prasar Bharti ne yeh Yojana Ministry of Information of Broadcasting ko bheji hain. Abhi Delhi mein Important Dongles ke jariye ise in house test kiya jaa raha hain.

Yojana ke mutabik , viewers ek single broadcast service mein lag-bhag 20 Free to Air T.V. Channels aur 20 Radio channels hasil kar sakenge. Yeh Free to Air aur Free to life honge. Iske liye kisi bhi Dish, Satellite aur Internet aur Set-Top Box  ki jaroorat nahi hogi.

Yeh Broadcast ek bade Area ke liye honge. Jise transmitters cover karenge. Yeh Area DD ke mauzooda Terrestrial Transmissions ki coverage se bada hoga.

Experts ka kahana hain ki yeh project bahut mahtavkankshi hain aur iski apni simaye hain. Lekin agar yeh kamyab hoti hai to iske result bahut hi acchhe honge.

Senior Media Adviser aur   Mumbai ki Advisory Firm Sapphire Professional services ke Managing Director Timmy Kandhari ne kaha,"Yeh tabhi kaam kar sakti hain, jab Technology bahut acchhi aur mauzooda available technology se different ho." Halaki ki iske saath jude Hardware ke issue ho sakte hain. Kyonki IPhone jaise bahut se phone mein dongle ke istemal ka provision nahi hota aur private broadcaster pahle hi smartphone ke liye platform taiyaar kar rahe hain.



Post a Comment

 
Top