Hinglishpedia

0
Xiaomi Mi 4i
Smartphone nirmata Chinese company Xiaomi ne ab India mein kal Xiaomi Mi 4i ko launch kiya. Xiaomi ne ise Delhi mein 'Global MI phone premier' ke tahat utara hain. Xiaomi Mi 4i Smartphone ki keemat 12,999 Rupees hain. Is smartphone ka registration aaj se shuru ho jayega. Aur yeh Online Flipkart  par 30 April se  asaani ke saath khareeda ja sakega.

Battery Quick Charge Technique ke saath 

Xiaomi ne Xiaomi Mi 4i utarkar apne grahko ko phir se ek accha smarphone ka tohfa diya hain. Is phone mein Ek se badhkar ek feature diye gye hain. Yeh Phone Hindi, Bengali, Kannada, Telugu, Malayalam, Tamil aadi Language ko support karta hain. Is Smartphone ki battery bhi kafi Powerful hain. Company ne isme 3120 mAh ki battery Quick charge taknik ke saath di hain. Iske alawa smartphone mein beautify feature bhi diye gye hain, Jisme wrinkle remover, Skin smoothing jaise features hain. Yeh smartphone Laminate OGS ke saath aaya hain. Phone me sunlight display dala gya hain, jo tez suraj ki roshni mein image ki quality ko barkarar rakhegi, kyonki kai baar tez dhoop mein phone ki picture quality Clear dikhayi nahi deti hain. 


Android Lollipop 5.0 


Is phone mein aur bhi shandar features diye gye hain. Xiaomi Mi 4i Smartphone mein kareeb 2 GB ki RAM di gyi hain. Iske alawa ismein 1.7 GHz 64 bit octa  core snap dragon processor diya gya hain. Itna hi nahi iski Internal Storage kafi acchi hain. Phone ki Internal memory 16 GB hain. Sabse khas baat hain ki yeh phone Android Lollipop 5.0 par kaam karta hain. Iske alawa is phone ka camera bhi kafi accha hain. Phone ke peeche ki taraf 13 Mega pixel camera dual-tone flash ke saath diya gya hain. Aage ki or 5 megapixel Selfie camera diya gya hain. Itna hi nahi camera ki quality badhane ke liye kai saare features diye gye hain.  Yeh Phone 7.8 mm mota aur 130 Gram bhari hain. Connectivity mein isme Bluetooth,     Wi-Fi  b/g/n, GPS/ A-GPS, Micro-USB diya gya hain.



Post a Comment

 
Top