Facebook ne Messenger ke launch kiya video calling.

Facebook MessengerFacebook ne somvar ko apne Messenger app ke liye free video calling feature ko launch kar diya hain. Company ne kaha hain ki abhi yeh feature iOS aur Android operating system ke liye available hain. 



600 Million users wale Messenger App ki screen ke right ki taraf  top corner mein ab video icon dikhai dega, Jisse free mein video call ki ja sakegi. Video call se judne ke liye Messenger Microsoft ke Skype, Apple ke Facetime aur Google ke Hangout se takkar lega. In sabhi mein pahle se hi video calling suvidha mauzood hain. 


Company ne kaha hain ki ab users messenger app se apne dosto ko video call kar sakte hain. Bhale hi unme se ek Apple ka iOS aur dusra Android operating system use kar raha ho. Facebook ke Messenger app mein video calling ki sewa America, Canada, UK, France sahit kai desho mein shuru ki gyi hain. Ise jald hi Bharat mein bhi shuru karne ki sambhavna hain. Kyonki Facebook ne kaha hain ki jald hi vah duniya ke aur bhi desho mein ise lagoo karega.

You May also like :-