Hinglishpedia

Hello AppFacebook ne Android smartphone ke liye ek naya Voice calling app pesh kiya hain. Gaurtalab hain ki Whatsapp ne bhi hal hi mein Android aur iOS ke liye calling feature ko launch kiya hain.

'Hello' naam ka yeh stand alone app Facebook ke creative labs ka 7th app hain. Iske ilawa Facebook ne Hal-philhal mein news reading App paper, Video sharing App riff jaise kuch product nikale thay, jinhe khas saflata nahi mil saki thi.

Hello Users ko unn logo ke baare mein jyada information deti hain, jo unhe call kar rahe hote  hain. Chunki yeh facebook se connected hain, Hello users apne caller ke pehchan ke baare mein jan sakte hain. Chahe wo unki contact list mein ho yaa nahi ho.

Hello App phil-hal America, Brazil aur Nigeria mein hi uplabadh hain. 

Phone par  logo ke dwara bitaye ja rahe waqt mein bada share hasil karne ki mansha se Facebook kai saare Stand- Alone Mobile Apps lekar aayi hain. Halaki messenger ke ilawa Facebook ko kisi bhi App mein jyada  safalta nahi mil saki hain. 

Kull milakar, Hello apke phone mein voice dialer ko replace karne ke liye hain. Lekin users mauzooda apps ko hatakar Facebook-branded Apps install karenge, iss baat mein doubt hain. Isse pahle Facebook ne home apps ke jariye Smartphone ki home Screen ko badlne ki koshish ki thi, jise users ne jyada pasand nahi kiya tha. 
loading...


 
Top