Dahi Khane ke fayde (Benefit of Curd)

curd benefitDahi ka istemal world mein lag-bhag har jagah par bhojan mein kiya jata hain. North India mein log jahan ise roti aur chawal ke saath khate hain, to vahi South India mein Curd & Rice logo ka favorite dish hain. Iske ilawa pooja paath mein bhi iska vishesh mahtav hain. Aur to aur Bharat mein Kisi bhi yatra aur imtihan se pahle dahi-shakkar khana shubh mana jata hain. Doodh se bane is dairy product mein sehat se jude bahut sare fayde hain. aaiye dekhte hain dahi khane se kya fayde hote hain.  

1. Pachan kriya sahi rakhti hain

Dahi mein mauzood Nutrients Pachan kriya ko behtar banate hain. Sirf itna hi nahi, yeh baki pdartho ko bhi asaani se pachaane mein bhi madadgar hain. Masaledaar bhojan ke saat iska istemal Body ko thanda rakhna hain. Taiwan dwara ki gyi ek study ke anusar Dahi pet ke H Pylori infection se bachaati hain, jo kafi aam samsya hain.

2. Dil ke liye acchhi hain

Dil ki bimari jyadatar bade-budhon mein dekhi jati hain. Iski sambhavna dahi khakar kafi had tak kam ki ja sakti hain. Yeh high blood pressure ko control karne ke saath cholesterol level ko bhi control karti hain. Jisse Astrix behtar tarike se kaam kar pati hain. 

3. Immunity Power ko badhati hain

Dahi mein aise bacteria mauzood hote hain, Jo sharir ki Immunity power ko badhakar unhe kai prakar ke rogo aur infection se door rakhte hain. Dahi ke sewan se Ladies mein hone wale Vaginal Infection bhi door rahta hain. Dahi ko sabziyon ki curry banane ke liye flavor ke roop mein istemal kiya jata hain. Khane mein rozana dahi ka sewan karna bahut hi faydemand hota hain. 

4. Lactose ki kami ko pura karti hain 

Lactose ki matra ke karan bahut saare logo ko dhoodh ka swad pasand nahi hota, to unhe dahi ka sewan karna chahiye kyonki, ismein lactose lactic acid mein badal jata hain. Yeh khane ko pachaane mein madadgar hota hain. Saath hi iske istemal se doodh se milne vale neutrons ki bhi purti ho jati hain. 

5. Skin ke liye hain faydemand

Kai saare neutrinos Jaise Zinc, Vitamin E aur phosphorus Dahi ko ek natural skin product banate hain. Isiliye dahi ko kai saare hair packs aur face mask mein istemal kiya jata hain. Dahi mein thoda sa besan aur nimbu ka ras mila kar chehre par lagane se kuch hi dino mein chamakti aur sunder tavcha paayi jaa sakti hain. 

6. Daanton aur haddiyon ko mazboot banati hain

Lag-bhag sare hi dairy product haddiyon ko mazboot banate hain, jisme dahi bhi shamil hain. Isme phosphorus aur calcium ki bharpoor matra hoti hain, jo haddiyon ke saath-saath daanton ko bhi mazboot banati hain. Garbhvati mahilaon ko calcium ki sabse jyada jaroorat hoti hain, isliye unhe doodh-dahi ka jyada se jyada matra mein sewan karna chahiye. Iske ilawa badhati umr mein dahi khakar arthritis ki samsya ko bhi door kiya ja sakta hain. 

7. Keel-muhanse door karti hain

Dahi ko chehre par lagakar keel-muhanse ki samsya ko door kiya ja sakta hain. Saath hi iska face pack wrinkle ki samsya ko bhi door karta hain. Umr ke saath tavcha mein hone vale badlaon mein dahi bahut hi faydemand hota hain. Ise khakar ya chehre par lagakar kai tarah ke problem ko kam kiya ja sakta hain. 

8. Dandruff se nijat

Vigyapano mein dandruff ko hatane ke liye kai tarah ke upay bataye jate hain. Lekin inme chemical ka istemal hota hain. Bahut kam log is baat se vakif honge ki   ghar mein asaani ke saath milne vale dahi dandruff se jaldi chhutkara dilati hain. Ismein mauzood Lactic Acid mein anti-fungal tatv mauzood hote hain, jo sabse jyada faydemand hote hain. Dahi ko sar mein lagakar kuch ghanto ke liye chhod de aur phir saaf paani se dho le. Kuch hi dino mein fark dikhayi dene lagega. 

9. Conditioner ka kaam karti hain

Baalon ke liye jaroori nourishment ki supply dahi lagakar ki ja sakti hain. Research ke anusaar dahi mein mauzood Lactic Acid safed baal aur baal girane ki samsya se nizaat dilati hain. Saath hi isme mauzood vitamins baalon ki conditioning ke liye bahut hi faydemand hain. 

10. Motapa kam karne me kargar

Jab bhi wajan kam karne ke liye diet chart banate hain, to usme dahi ko jaroor shamil kare. Calcium ki mauzoodgi body mein Cortisol ki matra ko produce karti hain. Jiske astulan se kai prakar ki bimariyan jaise Hypertension, Motapa aur cholesterol badhne jaisi samsya paida ho jati hain. 

11. Tanav aur chinta ko kam karti hain

Tension se health se related kai prakar ki problems shuru ho jati hain. Vaise to ise kam karne ke liye kai prakar ke gharelu aur Ayurvedic upchar hain, Lekin in sab ke ilawa dahi khakar ise kam kiya ja sakta hain. Dahi khane se emotions aur dard ki problem door hoti hain.

Lekin bahut se logo ko dahi khane se gale ki kai prakar ki samsya shuru ho jati hain. Kyonki dahi ki tasir thandi hoti hain. Isliye Gale se related kisi bhi problem se nipatane ke liye dahi khane se pahle doctor ki salah jaroor le.
       
 

You May also like :-