Hinglishpedia

0
Chocolate Benefits
Jyada Chocolate khana swasth ke liye accha nahi hota. Lekin thodi matra mein chocolate khane se yeh dawa ke taur par kaam karti hain. Jab bhi koi bachcha chocolate khata hain, to ghar ke bade usey samjhate hain ki chocolate khana uski sehat ke liye nuksaandayak hain. Darasal iska ek karan chocolate ke guno se anjan
hona bhi hain. Ji ha chocolate mein kuch aisi khoobia hoti hain, jinke bare mein jankar aap hairan rah jayenge. Chaliye jante hain ki chocolate mein kya-kya khoobiyan hain aur Chocolate khane  ke kya benefits hain.





1. Tension ko door karti hain. 

Chocolate mein mood theek karne aur tension (tanav) ko door karne wala gun paya  jata hain. Jab bhi aapka mood kharab ho to chocolate khaye. Aapko Good Feel hoga.


2. Mansik bimariyon mein.


Chocolate mein Flavonol hota hain. Flavonol khoon sanchar behtar tarike se karta hain. Isliye Chocolate khane se mansik rogo mein labh hota hain. 


3. Dard bhi bhagati hain chocolate


Chocolate khane se Sharir mein   Andofijin Harmon paida karti hain. Isliye chocolate khane se dard kam hota hain. Yeh ek Natural Pain killer ki tarah kaam karti hain. 


4. Diabetes mein bhi .


Dark Chocolate mein maujood Flavonoids aur Glycemic rasayan diabetes ko control karne mein help karte hain. Chocolate khane se insulin ka prtirodh kam hota hain, Jisse sharir mein sugar ki matra control mein rahti hain. 


5. Dil ke liye faydemand


Chocolate mein copper aur potassium paya jata hain. Isliye yeh dil se judi bimariyon ko door rakhti hain. Chocolate blood circulation ko behtar banati hain. Saath hi iska niymit sewan se cholesterol bhi hamesha control mein rahta hain. 


6. Blood pressure mein 


Chocolate khane se Blood pressure hamesha control mein rahta hain. Dark Chocolate mein badi matra mein Flanovoids aur Anti-oxidant  hote hain. Chocolate ki thodi-thodi matra hafte mein 2-3 khane se blood pressure ko control karne mein madad milti hain. 


7. Khansi mein kare yeh upay


Kya aap jante hain, ki chocolate khansi mein faydemand hoti hain. London ke Health researchers ne Cocoa mein milne wali theobromine tatv se bharpoor aisi chocolate taiyaar ki hain. Jise kha kar khansi se chhutkara paya ja sakta hain.


8. Turant energy ke liye


Jin logo ko achanak chakkar aane ya blood pressure low hone ki samsya ho, unhe hamesha apne paas chocolate ko rakhna chahiye. Jab bhi kamjori mahsoos ho., Chocolate kha le. Isse body ko turant energy milti hain. 
 


  


Post a Comment

 
Top