Hinglishpedia

smartphonesBudget smartphone segment in dino kafi garm hain. Acchha phone lene ke liye ab pocket ko khali karne ki jaroorat nahi padti hain. Kam keemat mein aise smartphone aa rahe hain jo aapke budget mein bhi fit hain aur Specification bhi jabardast de rahe hain. Lekin kam keemat mein jyada pane ki koshish mein kanhi aap dhokha na kha jaye. Budget smartphone khareedte waqt yaad rakhe yeh baatein :-




____________________________________________________________________________________________



1. High end smartphone se compare na kare .


Adhiktar Budget smartphone users sochte hain ki ek sasta smartphone dugni keemat wale high end smartphone ke mukable thoda sa hi kam powerful hota hain. Isse ummedein badhti hain aur shikaytein paida hoti hain. 


Xiaomi Redme Note aur Yureka jaise kuch phones High Ends devices ke kafi kareeb pahuch gye hain, Lekin baki budget smartphones in high ends smartphones ke kareeb bhi nahi pahuch sake hain. 


Yeh Budget smartphones hain , isliye yaad rakhe ki inmein aapko Screen resolution, Processor Type aur speed, RAM, Camera quality, Build quality, Battery life aadi jaise kai cheezon par compromise karna padega. 

____________________________________________________________________________________________


2. Features theek se check kare



Aapko sasta smartphone bechne ke liye manufactures  phone mein se kai aise features hata dete hain, jo aap khareedte waqt notice bhi nahi karte hain. 


Is tarah 4GB internal Storage mein sirf  2GB hi aap istemal kar paate hain. Phone ki 4.7 inch ki screen ka resolution 800 X 480 Pixel ho sakta  hain. Connectivity ke mamle mein ho sakta hain ki phone se Wi-Fi direct, NFC aur naya Bluetooth 4.0 hata diye gye ho.


Payment se pahle check kare ki sabhi features hain ya nahi. Jaise camera mein Auto Focus ki kami se aapko photo click karne mein dikkat aa sakti hain. 


____________________________________________________________________________________________


3. Hardware par focus 



Smarphone chunte samay hardware specification ko theek tarah se check karna jaroori hain. Jaroori nahi hain ki yeh budget phone hain, to entry-level par hi kaam karega. Processor check kare ( Ab asaani se octa core available hain). RAM check kare (Jitna jyada ho utna hi best hain) , Aur Available storage check kare (Expended storage hamesha check karna chahiye).
Iske alawa Display Size aur resolution, connectivity options, battery capacity aadi sabhi cheezon ko jaroor dekhna chahiye. Iske alawa phone khareedte waqt aap demo phone mein uski build quality, button placement aur parts dekh le.


____________________________________________________________________________________________


4. Os ka version check kare


Purane Android, Windows aur Blackberry version chalane wale phone mauzood hain. Aap phone lene se pahle Operation system par theek tarah se najar daal le. Aap nahi chahenge ki aap aise device par atak jaye jo Operating system ka purana version chalata ho aur naye update ke baare mein koi khabar hi naa ho.
Dhyaan rakhe ki alag-alag operating system ke liye alag-alag hardware ki jaroorat hoti hain. Jaise Android ke latest version ke mukable Window Os ke latest version ke liye kam processor speed aur RAM chahiye hoti hain. 


Yeh bhi dekhe ki kitni third-party apps Pre-installed hain aur kya inhe hatane se phone ke performance par koi asar padega. 


____________________________________________________________________________________________


5. After sell support 


Adhiktar Smartphone 1 saal ki warranty ke saath aate hain. Halaki, agar service centre najdeek na ho to warranty ka koi fayda nahi hain. 


Company ki website par najdeeki service centers ko search kare. Alag-alag forum se verify kare ki company ki support reputation kaisi hain. Adhiktar companies mein smartphone ke spare parts na milne ki problem aati hain.   


_______________________________________________________________________________________ 
loading...


 
Top