Hinglishpedia

0
BsnlBSNL Landlines customers ke liye good news hain. Company May mahine se 9 PM se 7 AM tak sabhi tarah ke network par free mein call karne ki suvidha dene ja rahi hain. Yani ki aap BSNL ke Landline se kisi bhi Telecom Operator ke phone par bina koi charge diye puri raat baat kar sakenge. Sarkari Telecom company BSNL apni iss nayi strategy ke jariye ek baar phir se landline business ko badhana chahti hain. Jisse usay ek bada upbhogta varg mil sake.

May se milegi yeh suvidha 

Company ki nayi strategy par BSNL ke CMD Anupam Srivastav ne bataya hain ki Landline Customers ke liye hum nayi suvidha shuru karne ja rahe hain. Isse May se Landline Customers Raat 9 baje se lekar subah 7 baje tak kisi bhi network par free mein baat kar sakenge. Yani ki vah BSNL ke landline se kisi bhi network ke Landline aur Mobile phone par free me call kar sakenge. Srivastva ke anusaar yeh suvidha shuru mein 6 mahino ke liye hogi. Iske alawa company Next Generation Network par focus kar rahi hain. Iske jariye Customers ko Landline par kai saare naye features milenge.



IUC ko milega fayda

Anupam Srivastva ke anusar Inter Connection usage chart (IUC) mein badlav ka fayda customers ko milega. Iski vajah se company ko yeh naya offer lana asaan hua hain. Unhone bataya ki company ke paas Landline ke liye pure desh mein taiyar Infrastructure hain. Aise mein yeh kadam hamare liye kafi kargar sabit hoga.



Kya hai yeh IUC

Haal hi mein Telecom Niyamak TRAI ne Inter Connection Usage (IUC) mein kami kar di hain. Iske tahat ek oprator apne customer ko dusre network se connect karne ke liye dusri company ko charge deta hain. TRAI ne iss charge ko per minute 20 paisa se ghatakar 14 paisa kar diya hain. Jiski vajah se telecom companies ki lagat mein kami aayegi.


Naya Connection lena hoga asaan

Anupam Srivastva ke anusar Company new costumers ko naya connection bahut hi asaani ke saath uplabdh karvaayegi. Iske tahat grahko ko kisi bhi tarah ka koi shulk nahi dena hoga. Kewal iske liye grahko ko thoda sa installation charges dena hoga.


BSNL ke hain desh mein sabse jyada Landline Customers 

Landline grahko ke mamle me BSNL ke paas desh ke sabse jyada sankhya hain. Company ki kull landline bazaar mein 62% hissedari hain. Aise mein BSNL ki nayi Strategy dusre Telecom operator ke liye Chunauti khadi kar sakti hain. 


Post a Comment

 
Top