Hinglishpedia

ALOE VERA PLANTDhrit Kumari (Aloe Vera) ek jadu ki tarah kaam karta hain, Khaskar  Jab baat aati hain Beauty se judi problems ki. Purane Jamane ke Egyptians ise " Plant of Immortality " ( "Amarta ka paudha ") kahte thay. Kyonki yeh magical paudha chot ko theek karne ke saath-saath beauty aur skin jaisi problems jaise dry Skin aur dandruff ke liye bhi istemal kiya jata hain. Aloe Vera ka gel , tavcha rogo aur skin ulcer ke liye kafi kargar hain. Hum aapko is gel ke aise hi 5 kamaal ke istemal bata rahe hain.


1. Isme hain Anti-Itching Property :- Yeh beauty Gel Anti-Itching ki problem ko khatm karne mein madad karta hain. Yeh Jhuriyon ko khatm karne ke ilawa skin ke lachilepan ko bhi banaye rakhta hain. AloeVera mein Beta carotene, Vitamin C aur E jaise prabhavshali tatv hote hain, jo aapki Skin ko hamesha naye jaise banaye rakhte hain. Itna hi nahi isme Anti-Oxidant bhi hote hain.


2. Stretch mark ko karta hain kam :-  Pregnancy ke baad aur wazan ghatane ke liye Aloe Vera Best Option hain. Iska istemal Stretch mark ko  khatm karne ke liye kiya jata hain. Isme Axioms aur Gibberellins jaise hormones hote hain, jo jakhm ko bharne mein madadgar hote hain. Pregnancy ke baad iske gel ko apne tummy par lagaye aur dekhe kaise khatm ho jayenge stretch marks.

 3. Yeh hain kamaal ka moisturizer :- Oily Skin ke liye Aloe Vera ek Kamaal ka moisturizer hain. Yeh Greece nahi hota , Isliye yeh skin ko bina dry kiye moisturize karta hain. Nahane se pahle ise skin par lagaye, taki aapki skin ise acchi tarah se sokh le. Yeh muhanse or dry skin ke saath-saath sensitive skin problem, jalan aur khujali se bhi aaram dilata hain. Aloe Vera gel ko muhanse aur acne vali jagah par lagaye, yeh unhe kam karega.

4. Baalon ka jhadna aur dandruff ko kare kam :- Aloe Vera baalon ka girna kam kar unhe badhne mein bhi madad karta hain. Isme koi shak nahi hain ki kai shampoo mein Aloe Vera ek Main ingredient ke roop mein istemal kiya jata hain. Kyonki Aloe Vera mein ek Axiom paya jata hain, Jo baalon ko badhne mein madad karta hain. Saath hi iski alkalizing property, scruple aur Baalon ke pH level ko balance karta hain, aur dry scruple ko moisturize karta hain. Yeh baalon ke oiliness aur dandruff ko khatm karta hain.


5. Pigmentation ke liye hain perfect upay :- Jinhe Pigmentation skin aur chehre par daag-dhabbe  ki problem hain, unhe rahat ki saans dega Aloe Vera. Aloe Vera aapko hyper pigmentation aur Sun burn se bachata hain. Itna hi nahi ise face pack ki tarah istemal kare aur yeh aapko daag-dhabbon se chutkara dilayega. Gulabjal mein ek chammach Aloe Vera milakar apne chehre par lagaye aur aap payenge ek bedaag aur damakta chehra.   
loading...


 
Top